fb40x40 unionjack

logona314

logona314

Náttúrustofuþing 2008

thumb_natturustofuthing_2008 001Starfsfólk Náttúrustofu Austurlands fjölmennti  vestur á Stykkishólm í liðinni viku  á árlegt Náttúrustofuþing, ráðstefnu Samtaka náttúrustofa .

Náttúrustofurnar eru 7 talsins og mættu á fjórða tug starfsmanna í Stykkishólm og sátu vinnuhópafundi, aðalfund SNS, fóru í skemmtisiglingu um Suðureyjar, skoðuðu Vatnasafnið og snæddu  sameiginlegan kvöldverður  í  Narfeyrarstofu, síðast en ekki síst Náttúrustofuþing ráðstefna sem  haldin  var í Fjölbrautaskóla Snæfellinga í Grundarfirði föstudaginn 26.september.


Suðureyjasigling og Vatnasafnið
Gestum Náttúrustofuþings var boðið í Suðureyjasiglingu með Sæferðum. Tókst hún með ágætum þó haust væri komið. M.a. var arnarfjölskylda heimsótt, ýmsar eyjar og bergmyndanir skoðaðar svo og sterkasti sjávarfallastraumur við Íslandsstrendur. Botnplógur var dreginn og afraksturinn étinn m.a. hörpudiskur og ígulkerjahrogn. Eftir siglinguna var Vatnasafnið (http://www.libraryofwater.is) skoðað.
Náttúrustofuþing Ráðstefna í Fjölbrautaskóla Snæfellinga í Grundarfirði
Ráðstefnan var pakkfull af fræðandi og áhugaverðum fyrirlestrum, vel sótt en hátt á níunda tug manns hlýddu á erindi um birni , erni , gróðurrannsóknir , fjörur , eldfjallagerð og fleira.
Heimsókn í þjóðgarðinn Snæfellsjökul
Eftir náttúrustofuþingið buðu gestgjafarnir upp á skoðunarferð um þjóðgarðinn Snæfellsjökul undir góðri leiðsögn Sæmundar Kristjánssonar. Ferðin tókst mjög vel en sárlega fáir nutu hennar.
Gestastofa þjóðgarðsins að Hellnum var heimsótt og tók Guðbjörg Gunnarsdóttir á móti gestum. Lesa má um þjóðgarðinn sem stofnaður var 28. júní 2006 í eftirfarandi plöggum:
Dagskrá 2008 (http://www.ust.is/media/fraedsluefni/pdf-skjol//DagskraSnaf_2008b.pdf)
Ársskýrsla 2007 (http://www.ust.is/media/fraedsluefni/pdf-skjol//arsskyrsla_thjodgardsins_snaefellsjokuls_2007.pdf)
Kortavefsjá (http://flashmap.ust.is/snaefellsjokull/)
Að endingu var Sjávarrannsóknarsetrið Vör í Ólafsvík heimsótt og skoðað undir leiðsögn forstöðukonunnar Erlu Björk Örnólfsdóttur (http://www.sjavarrannsoknir.is/)

Ljósmyndir af fundum náttúrustofanna og vettvangsferðum í tengslum við þá má sjá hér

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir