Vöktun hreindýra
Náttúrustofa Austurlands vaktar hagagöngu hreindýra allan ársins hring. Ýmsir senda inn upplýsingar um hreindýrin en þar mætti þó gera mun betur. Eitt af því sem menn geta gert er að taka stafrænar myndir af hópum og senda okkur með stað- og dagsetningu.
Æskilegt er að taka slíkar myndir með mestri upplausn svo stækka megi þær til að telja og greina dýr. Ef hóparnir eru stórir eins og sá sem er á myndunum sem hér fylgir með má taka nokkrar myndir í röð af hópnum bara að gæta þess að þær skarist og séu allar teknar með sama aðdrætti þá er hægt að skeyta þeim saman eins og meðfylgjandi dæmi sýna. Þann 4. apríl voru 98 hyrndar kýr, 9 kollóttar, 54 kálfar, 22 kollóttir tarfar, 17 hyrndir veturgamlir tarfar og 6 ógreind dýr eða samtals 206 á túni við bæinn Flúðir í Tungu. Erfitt hefði verið og tímafrekt að telja dýrin án myndanna. Seinna bættust 60 dýr við hópinn eins og sést á seinni myndinni