Friðlýsing Hólmanes og hluti af Hólmahálsi var friðlýst árið 1973, sem fólkvangur norðanmegin en friðland sunnanmegin og réði því mismunandi eignarhald. Um svæðið gilda þó samræmdar reglur. Samkvæmt náttúruverndarlögum eru fólkvangar svæði sem friðlýst eru til útivistar og almenningsnota en hafa einnig að geyma fjölbreytta og fagra náttúru. Friðland er svæði sem mikilvægt er að varðveita sakir sérstaks landslags eða lífríkis. Til að ná markmiðum friðlýsingarinnar gilda eftirfarandi reglur um svæðið:
Gangandi fólki er frjáls umferð, enda virði það almennar umgengnisreglur. Ekki má skemma gróður eða trufla dýralíf. Mannvirkjagerð, jarðrask og meðferð skotvopna á svæðinu er bönnuð.
Svæðið er kjörið útivistarsvæði og ákjósanlegt til kennslu og náttúrufræðslu enda er landslag og lífríki þar fjölbreytt og jarðfræðin áhugaverð. Samkvæmt skilgreiningu Umhverfisstofnunar eru fólkvangar svæði sem samkvæmt náttúruverndarlögum eru friðlýstir sem útivistarsvæði í samvinnu við hlutaðeigandi sveitarfélög. Fólkvangar eru stofnaðir að frumkvæði sveitarfélaga og sjá þau einnig um reksturinn. Tilgangurinn með fólkvöngum er að tryggja almenningi aðgang að svæðum til þess að njóta útivistar.
Hólmanes er að hluta til friðland en samkvæmt skilgreiningu Umhverfisstofnunar kallast friðland það landsvæði sem friðlýst er samkvæmt náttúruverndarlögum vegna sérstaks landslags, gróðurfars eða dýralífs. Markmið friðlýsinga eru mismunandi sem og reglur sem á svæðunum gilda. Friðlönd eru í mörgum tilfellum á landi í einkaeigu eða á afréttum og reglur um þau eru samkomulagsatriði milli rétthafa lands og Náttúruverndar ríkisins.
Friðlýsing fólkvangsins Vorið 1971 lagði náttúruverndarnefnd Neskaupstaðar fram tillögu um stofnun fólkvangs utan Stóralækjar. Tillagan varð til í framhaldi af því að nefndin hafði hlutast til um að hætt var við fyrirætlanir um grjótnám úr Hagaklettum og að förgun sorps við Haga var stöðvuð. Tillagan var samþykkt í bæjarstjórn og síðar hjá Náttúruverndarráði og ráðuneyti.Friðlýsingin tók formlega gildi 29. nóvember 1972 og var Fólkvangur Neskaupstaðar sá fyrsti sinnar tegundar hérlendis. Fáir þéttbýlisstaðir á Íslandi eiga sér jafn ákjósanlegt friðland við bæjarvegginn. Landslag er tignarlegt, útsýni fagurt, auðugt lífríki og fjölbreyttar jarðmyndanir. Svæðið er því kjörið til útivistar, náttúruskoðunar og náttúrufræðslu
Samkvæmt skilgreiningu Umhverfisstofnunar eru fólkvangar svæði sem samkvæmt náttúruverndarlögum eru friðlýstir sem útivistarsvæði í samvinnu við hlutaðeigandi sveitarfélög. Fólkvangar eru stofnaðir að frumkvæði sveitarfélaga og sjá þau einnig um reksturinn. Tilgangurinn með fólkvöngum er að tryggja almenningi aðgang að svæðum til þess að njóta útivistar.
Í fólkvangi Neskaupstaðar hefur verið komið fyrir fræðslustígum, með því að smella á myndina sést kortið í heild sinni. Gönguleiðir og áhugaverðir staðir eru merkt inn á kortið.
Náttúrustofa Austurlands stóð fyrir merkingum á heiðagæsum í sárum í Jökuldalsheiði þann 21. Júlí s.l. í tengslum við sumarvinnuferð samtaka Náttúrustofa (SNS) 2010. Merkingarnar tókust vonum framar og er það ekki síst að þakka öllum þátttakendum sem komu að rekstrinum að svona vel tókst til.
Samhliða hreindýratalningu 12. júlí 2010 voru heiðagæsir myndaðar og taldar á svokölluðu Eyjabakkasvæði. Það svæði er austan Snæfells austur á austurbakka Jökulsár í Fljótsdal og innan Eyjabakkavaðs. Flugleiðin er sýnd á 1. mynd. Flogið var með TF KLÓ, flugmaður Jóhann Óli Einarsson og Jón Ingi Sigbjörnsson til aðstoðar. Veður til leitar og myndatöku var þokkalegt.
Á morgun föstudaginn 27.ágúst kl 20:00, verður fyrilestrakvöld í Breiðdalssetri á Breiðdalsvík. Ian Gibson og Þorvaldur Þórðarson jarðfræðingar sem og jarðfræðinemar frá Edinborgarháskóla munu flytja fyrirlestra.
Sjá nánari auglýsingu með því að smella á meðfylgjandi mynd.
