fb40x40 unionjack

logona314

logona314

Ritur á Borgarfirði eystri

RitaÞann 16. júní slóst Náttúrustofa Austurlands í för með Náttúrustofu Norðausturlands og Náttúrustofu Vestfjarða í ferð þeirra á Borgarfjörð eystri. Þar voru snaraðar nokkrar ritur sem merktar höfðu verið með staðsetningartækjum vorið 2009.  Náttúrustofa Norðausturlands merkti fuglana á sínum tíma og var markmiðið með þessu veiðiátaki að ná staðsetningartækjunum af fuglunum aftur til að hægt væri að hlaða gögnum inn í tölvu og geta svo endurnýtt tækin. 



Þar sem ritur verpa gjarnan á sama stað ár eftir ár eru góðar líkur á að ná aftur merktum fuglum á varptíma.  Allar ritur með staðsetningartækjum, sem vitað var um á svæðinu náðust í þessu merkingarátaki (um 20 fuglar) og verður það að teljast góður árangur.  Við veiðarnar voru notaðar sérhæfðar merkingarstangir með lykkju á endanum.  Fuglarnir eru snaraðir meðan þeir liggja á hreiðri og þeim komið í hendur merkingarmanna sem klipptu staðsetningartæki af fæti fuglsins.  Eftir frekari skoðun og sýnatökur var fuglum sleppt aftur og tóku þeir flugið frelsinu fegnir en lögðust svo fljótt aftur á hreiður sín. 
Næst verða merkin sett á vestfirska fugla og mun Náttúrustofa Vestfjarða sjá um þá framkvæmd. Staðsetningartækið sjálft er smágert, vegur aðeins nokkur gröm og er fest á venjuleg plastmerki sem oft má sjá á merktum fuglum. Tækið nemur birtulengd og staðsetur fuglinn í grófum dráttum út frá sólargangi. Eftir á að vinna úr gögnum sem söfnuðust í þessari ferð en niðurstöður þeirrar úrvinnslu getur vonandi gefið upplýsingar um það hvar Borgfirsku riturnar halda til utan varptíma.
Ritu ungarStarfsmaður Náttúrustofu Vestjfarða með ritu.

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir