fb40x40 unionjack

logona314

logona314

Hreindýrasérfræðingar á Skjöldólfsstöðum

tungutarfurAlþjóðlegur hópur sérfræðinga mun funda um heilbrigði hreindýra á Skjöldólfsstöðum 23. og 24. ágúst. Þetta er annar fundur hópsins sem var stofnaður í Noregi 2011. Forsvarsmaður hópsins er Norðmaðurinn Carlos G. das Neves en Náttúrustofa Austurlands hefur haft veg og vanda af skipulagningu fundarins í samstarfi við Carlos. Allir áhugasamir eru hvattir til að mæta
Sjá nánari upplýsingar og dagskrá með því að smella hér

 

 

 

 

 

Lesa meira

Atvinnulífssýning helgina 18-19 ágúst 2012

Náttúrustofa Austurlands verður með bás á Atvinnulífssýningunni í Egilsstaðaskóla dagana 18. og  19.ágúst.  Sýningin er partur af dagskrá Ormsteitis 2012.
Sjá nánar auglýsingu fyrir sýninguna með því að smella hér.

Talningar í júlí

Ár hvert telur náttúrustofan hreindýr í júlí og reyndar heiðagæsir á Snæfellsöræfum líka. Ekki er endanlega búið að ganga frá talningarskýrslum en helstu niðurstöður verða reifaðar hér.
Þann 27. júní voru aðeins 27 kýr með 26 kálfa í Kringilsárrana og þar í hópnum var senditækjakusan Ranga með sinn kálf. Á sama tíma voru tæp 200 dýr stutt utan við Kringilsánna. Þegar flogið var yfir Ranann þann 12. júlí sást ekkert hreindýr þar.
Þann 27. júní voru 568 dýr á Vesturöræfum og 401 á Eyjabökkum. Í flugi 7. júlí voru aðeins 281 dýr á Vesturöræfum en 582 á Eyjabökkum.

 

Lesa meira

Lundinn í Hafnarhólma

Lundi í HafnarhólmaLundavarpið í Hafnarhólma á Borgarfirði eystra virðist ganga vel og telja heimamenn að mikið sé af lunda í hólmanum. Náttúrustofan leit þar við 24. júní og fylgdist með fæðuburði fuglanna. Enginn fæðuskortur virtist vera hér og meðfylgjandi myndir sýna að uppistaðan á matseðlinum virtist vera sandsíli en sumir kusu þó ljósátu frekar.

Lesa meira

Afmælishátíð Fólkvangsins í Neskaupstað

40.ára Afmæli fólkvangsins í Neskaupstað Þann 16.júní síðastliðinn var haldið upp á 40 ára afmæli fólkvangsins í Neskaupstað, á annað hundrað manns mættu að þessu tilefni í Fólkvanginn  þar sem lúðrasveit Norðfjarðar lék og ávörp voru flutt. 
Veður var fremur svalt  en gestir létu það ekki á sig fá.  Hjörleifur Guttormsson náttúrufræðingur var með leiðsögn um svæðið  og að því loknu bauð Síldarvinnslan í Neskaupstað  upp á kaffi og kleinur og grillaðar pylsur fyrir börnin. 
Nú í vor hefur verið unnið að breytingum og lagfæringum á stiganum niður í Páskahelli, eins hafa göngustígar og brýr fengið andlitslyftingu og skilti fjarlægð og önnur sett í staðinn. Þessu verki er þó ekki lokið og verður áfram unnið að þeim í sumar. 

 

Lesa meira

Dagur hinna villtu blóma í Neskaupstað

Blómadagurinn í Neskaupstað 2012Í Neskaupstað mættu 8 gestir á blómadaginn. Gengið var frá planinu við Fólkvang Neskaupstaðar og þaðan upp í hlíðina. Fyrst var gengið um mólendi og þaðan eftir gili þar sem skriða féll fyrir nokkrum árum og lúpína (Lupinus nootkatensis) sækir á mólendið. Efst í gili þessu er einn af fáum vaxtarstöðum  lyngbúa (Ajuga pyramidalis).  Lyngbúi er mjög sjaldgæf jurt af varablómaætt sem aðeins finnst norðarlega á Austfjörðum. Ekki fannst hann þó í þessari ferð en áætlað er að starfsmenn Náttúrustofu Austurlands fari aftur síðar í sumar að leita hans.

Lesa meira

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir