Silkitoppa (Bombycilla garrulus)
Þessi litfagr
i spörfugl tilheyrir ættkvísl silkitoppa. Tegundin verpur í barrskógum Norður-Evrópu, Asíu og vesturhluta Norður-Ameríku. Mismikill fjöldi þessara fugla leggst í far suður og suðvestur á bóginn á haustin og sjást þá m.a. stundum á Íslandi.
Á veturna éta þessir fuglar helst ávexti og ber og eru ekki óalgengir gestir í görðum Íslendinga frá október og fram í apríl. Sumarið 2011 var í fyrsta sinn staðfest varp silkitoppu í Mývatnssveit en óvenjulegt er að sjá þennan fugl hérlendis að sumarlagi.
Hreiðurstæði er gjarnan í furutrjám nálægt góðum fæðuuppsprettum (t.d. gjöfulum berjarunnum). Þessi mynd var tekin á Egilsstöðum 17. apríl 2013 og er af silkitoppum sem verið hafa á Egilsstöðum í vetur. Spennandi verður að fylgjast með hvort þessir einstaklingar verði hér áfram í sumar og reyni jafnvel fyrir sér í varpi. Ýmsir eru duglegir að tilkynna náttúrustofunni um flækinga eða sjaldgæfar tegundir og eru allar slíkar upplýsingar vel þegnar
