fb40x40 unionjack

logona314

logona314

Vetrartalning á hreindýrum 22. -30. mars 2014

HreindýrNáttúrustofa Austurlands vill vekja athygli á því að dagana 22. til 30. mars stendur yfir vetrartalning á hreindýrum um allt Austurland. Útbreiðslusvæði dýranna hefur verið skipt niður í afmörkuð talningarsvæði og staðkunnugir, hreinglöggir talningarmenn fengnir til að telja þau.
Samstilltar vetrartalningar á hreindýrum voru framkvæmdar reglulega á árunum 1991 til 2005. Í upphafi voru talningarnar í höndum Veiðistjóraembættisins en Náttúrustofan tók við þeim árið 2000. Síðustu veturnir voru snjóléttir og erfiðara reyndist að telja við þær aðstæður. Síðustu ár hefur því þótt vænlegra að telja aðeins hluta svæðisins í einu og gera það á öðrum árstímum úr lofti.  

 

Lesa meira

Hreintarfar í bæjarheimsókn

HreintarfarSagt hefur verið frá því á heimasíðu Djúpavogs að stór hópur hreintarfa geri sig heimkomna þar, bíti á fótboltavellinum og rölti um götur bæjarins. Nú bar svo við að 16 hreintarfar bæði ungir (enn hyrndir) og eldri (kollóttir) birtust á Egilsstaðanesinu á föstudaginn 14. febrúar. Ekki var að sjá að aðflugsljósin á Egilsstaðatúninu truflaði þá vitund né umferðin um nesið. Náttúrustofuna rekur ekki minni í að hafa séð hreindýr áður á þessum slóðum. Ef þeir verða þarna áfram er vissara fyrir þá sem yfir Egilsstaðanes keyra að hafa augun hjá sér ef ske kynni að þeim dytti í hug að hlaupa út yfir veginn.

Lesa meira

4.bekkur Grunnskóla Eskifjarðar í heimsókn

4.bekkur Grunnskóla EskifjarðarÞann 23.janúar síðastliðinn litu krakkarnir í 4.bekk Grunnskóla Eskifjarðar við í heimsókn hér á Náttúrustofu Austurlands og Matís. Var heimsókn þessi liður í náms og skemmtiferð bekkjarins til Neskaupstaðar. Með þeim voru kennarar og námsráðgjafinn Brynja Garðarsdóttir en Brynja hefur undanfarin misseri komið með 4.bekk Nesskóla í sambærilega heimsókn.

Lesa meira

Hreindýr á vegum hættuleg svæði uppfært

Árlegur fjöldi dauðra hreindýra eftir árekstra frá 1999. Blátt eru dauð dýr við Kárahnjúkaveg og rautt dýr sem drápust eftir árekstur 6. desember 2013 á Langadal stutt frá VopnafjarðarvegamótumÁ eftir desember er janúar næst hættulegasti mánuður ársins fyrir hreindýrin í umferðinni. Náttúrustofan skráði 31 hreindýr dauð eftir árekstra 2013 sem er jafnmikið og 2007 en önnur ár eru eitthvað færri dýr skráð (sjá mynd).

sjá nánar uppfærslu á því hvar hreindýrin halda sig þessa dagana með því að smella hér eða með því að smella á linkinn hér til hægri.

 

Lesa meira

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir