Vinalegir trjágeitungar

15. september 2015

Fyrstu trjágeitungsbúin á Íslandi fundust m.a. á Neskaupstað 1982. Margir óttast þessa iðjusömu nýbúa en þó eru til undantekningar á því. Á Egilsstöðum búa Þórhallur Þorsteinsson og Dagný Pálsdóttir en í garði þeirra voru a.m.k. tvö trjágeitungsbú í sumar, annað undir sólpalli og hitt í gróðurhúsi. Gagnkvæm virðing ríkir í þessu sambýli og segir Þórhallur að hann hafi mikið yndi af því að fylgjast með þessum vinum sínum sem aldrei hafa svo mikið sem reynt að stinga hann.

 Nú styttist í að búin leysist upp og drottningarnar leggist í dvala og sofi til næsta vors. Nánar má lesa um þessa smávini fögru á http://www.ni.is/poddur/nattura/poddur/nr/977

Meðfylgjandi myndbrot voru tekin þann 1. september er Þórhallur bauð náttúrustofunni að heilsa upp á vini sína en annað búið lá að gleri svo fylgjast mátti með geitungunum athafna sig innandyra.

Tags: skordýr