fb40x40 unionjack

logona314

logona314

Jólakveðja

JolaNA2016Jólakveðja frá starfsfólki Náttúrustofu Austurlands.
 Smellið á myndina til að stækka.

Úrslit í spurningaleik á Aðventustund

DSC 0336Ríflega 60 manns mættu á Aðventustund fjölskyldunnar í Safnahúsinu í Neskaupstað síðastliðið fimmtudagskvöld, þrátt fyrir að úrhelli og rok væri úti og kannski ekki stemming fyrir miðbæjarrölti eins og ráð var gert fyrir. Auk spurningaleiksins á Náttúrugripasafninu skemmtu Félag harmonikkuunnenda á Norðfirði, Nemendur úr listaakademíu VA og sönghópurinn Fönn gestum og gangandi.

Spurningakeppni Náttúrustofunnar vakti lukku og hefur verið dregið úr réttum svörum. Lilja Hulda Auðunsdóttir var fengin til að vera hlutlaus aðili í úrdrættinum. Fjórir vinningar voru veittir fyrir rétt svör, fyrsta vinnig hlaut Haraldur Einar og fékk hann Fuglafár sem er nýtt íslenskt fuglaspil sem henntar fyrir alla fjölskylduna. 2-4 vinning hlutu Einar Leó , Lilja Guðný og Ýmir Eysteinsson en þau fengu bókina Væri ég fuglinn frjáls, fyrstu skrefin í fuglaskoðun.

Náttúrustofa Austurlands þakkar fyrir góðar stundir í gær og SÚN fyrir styrkinn en
Verkefnið var styrkt af Samvinnufélagi Útgerðarmanna í Neskaupstað. Að auki þökkum við öllum sem komu að verkefninu og aðstoðuðu okkur með einum eða öðrum hætti að gera kvöldið ánægjulegt.

DSC 0340  DSC 0328  DSC 0308

Aðventustund í Safnahúsinu Neskaupstað

adventustund 2016 Náttúrustofa Austurlands og Safnahúsið í Neskaupstað í samvinnu við fyrirtækin í bænum bjóða gestum og gangandi í Aðventustund í Neskaupstað.

Fimmtudaginn 15. desember verða eftirtalin fyrirtæki með lengri opnunartíma, kertaljós og notalegheit:
Nesbær kaffihús (opið til kl 22.30)
Gallerí Hár (opið til kl 21.00)
PAN (opið til kl 21.00)
Hársnyrtistofa Sveinlaugar (opið til kl 21.00)
Steinninn nytjamarkaður (opið 18.00 - 21.00)
Verslunin Kristal (opið til kl 22.00)

 

Safnahúsið verður opið milli kl 19.00 og 22.00 og boðið verður upp á fjölskyldusamverustund. Spurningakeppni fjölskyldunnar, þar sem gestir eru hvattir til að mæta með snjallsímana sína, opna QR forritið og leita að svörum. Glæsileg verðlaun verða dregin úr réttum svörum, m.a. Fuglafár, spil fyrir fluggáfað fólk.

Dagskrá Safnahússins 15. desember:
19.00: Húsið opnar og meðlimir Félags Harmonikkuunnenda á Norðfirði spilar nokkur lög og taka á móti gestum.

20.00: Nemendur Listaakademíu VA syngja og leika ljúfa tóna

21.00: Sönghópurinn Fönn syngur jólalög

Verkefnið er styrkt af Samvinnufélagi útgerðarmanna í Neskaupstað.
Bjóðum alla hjartanlega velkomna

Vorperla (Draba verna)

vorperla Draba verna Þann 24. október 2016, þriðja vetrardag veitti starfsmaður NA lítilli plöntu athygli sem var í blóma í um 200 m h.y.s. á Norður-Héraði. Ekki er algengt að sjá plöntur með blómum svo seint á árinu og sérstaklega ekki þegar kominn er vetur og í þessari hæð. En eindæma veðurblíða hefur verið víða um land þetta haustið og fátt sem minnir á að veturinn sé genginn í garð.
Eftir talsverðar vangaveltur var niðurstaðan sú að um vorperlu (Draba verna) væri að ræða sem hefur takmarkaða útbreiðslu á Íslandi. Þá var hún staðfest í nýjum reit. Á vef Flóru Íslands má lesa meira um vorperlu.
Gamla ættkvíslarheiti hennar var Erophila, þýðir sú sem ann vorinu (eða kennt við grasafræðinginn Jordan Erophila) og verna vísar til þess að hún blómstrar á vorin og því kemur þetta enn meir á óvart. Enska nafnið Whitlow grass vísar til lækningamáttar hennar geng naglrótarbólgu.

 

Hellingur af hvítum hegrum

Kúhegri á DalvíkNú í haust hafa mjallhegri (Egretta alba), bjarthegri (Egretta garzetta) og kúhegri (Bubulcus ibis) sést á Íslandi. Mjallhegrinn sem er stærstur þessara þriggja sást á Hellnum á Snæfellsnesi (sá 5. fyrir landið) en hinir tveir m.a. hér eystra.
Kúhegra, þann 9. fyrir landið sá Sólveig Sigurðardóttir við Hánefsstaði í Seyðisfirði þann 18. október eftir að heimilisfólkið þar lét hana vita. Náttúrustofan heimsótti hegrann 29. október og fylgir myndband tekið í þeirri heimsókn með því að smella hér, og hérAnnar kúhegri sást um svipað leyti. Snæþór Vernharðsson frétti af honum 21. október. Hann kom í land á Dalvík með skipinu Björgúlfi. Snæþór  hafði milligöngu um þessar upplýsingar og fékk leyfi fyrir birtingu myndar sem hér fylgir með.
Í það minnsta 10 bjarthegrar hafa sést á Íslandi nú í haust  og þ.a. tveir á Hornafirði, einn á Stöðvarfirði og einn í Neskaupstað. Fjöldi þeirra nú í haust er eflaust tengdur útbreiðsluaukningu tegundarinnar til norðurs í Evrópu.
Þann 31. október hafði Metúsalem Einarsson samband við Náttúrustofuna og tilkynnti um hvítan hegra sem hann sá á Egilsstöðum. Ekki hefur enn tekist að hafa upp á honum til nákvæmrar greiningar.
Meðfylgjandi eru nokkrar myndir af þessum hvítu hegrum teknum í Malaví.

Rafrænn flutningur bókasafns

web 2009 05 19 bokasafn NA 005

Náttúrustofa Austurlands  hefur síðastliðinn áratug verið með bókasafn stofunnar skráð sem safndeild í Rannsóknabókasafni Þekkingarnets Austurlands og síðar Austurbrúar.  
Nú hefur það safn verið lagt niður og hefur safndeild Náttúrustofu Austurland sem hefur að geyma tæplega 1500 bækur/tímarit  verið færð undir Bókasafn Neskaupstaðar.  Bókakosturinn er eins og áður geymdur  í húsakynnum Náttúrustofu Austurlands í Neskaupstað og á Egilsstöðum og því er einungis um rafrænan flutning að ræða innan Landskerfis  bókasafna.

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir