fb40x40 unionjack

logona314

logona314

Vatnajökulsþjóðgarður

vatnajökulsþjóðgarður var formlega stofnaður þann 7. júní 2008 með undirritun reglugerðar um þjóðgarðinn. Hann skiptist í fjóra hluta, hver með sínu svæðisráði, þjóðgarðsverði og gestastofu. Á austursvæðinu hefur Agnes Brá Birgisdóttir verið ráðin þjóðgarðsvörður. Gestastofa mun rísa stutt utan við Skriðuklaustur og eru teikningar af henni nú til sýnis á Klaustri. All margir gestir voru viðstaddir stofnun Vatnajökulsþjóðgarðsins og var ræðu Þórunnar Sveinbjarnardóttur umhverfisráðherra og Önnu Kristínar Ólafsdóttur í Skaftafelli varpað upp á vegg en síðan héldu Magnús Jóhannsson ráðuneytisstjóri og Eiríkur Björgvinsson bæjarstjóri Fljótsdalshéraðs og formaður svæðisráðs hér eystra ræður. Í máli Eiríks kom fram að leitað yrði til Náttúrustofu Austurlands með vinnu við verndaráætlun austursvæðis þjóðgarðsins. Einar Bragi og hljómsveit flutti nokkur laga sinna við texta Hákonar Aðalsteinssonar er einnig las um nokkur ljóða sinna.

 

Að lokum dróg Völundur Jóhannesson sem ráðuneytisstjórinn kallaði “hálendishöfðingjann” fána Vatnajökulsþjóðgarðs að hún

Brot úr ræðu ráðherra í skaftafelli:
“Í dag stofnum við Vatnajökulsþjóðgarð, stærsta þjóðgarð í Evrópu og þjóðgarð sem er einstakur á heimsvísu.  Með stofnun Vatnajökulsþjóðgarðs eru Íslendingar að ráðast í stærsta náttúruverndarverkefni frá upphafi.  Vatnajökulsþjóðgarður mun við stofnun ná yfir 12% landsins,  og er honum ætlað að tryggja Íslendingum og gestum þeirra til framtíðar ógrynni möguleika til náttúruskoðunar, náttúrufræðslu, náttúrurannsókna, og náttúruupplifana af ýmsu tagi.” Sjá alla ræðu ráðherra á:
http://www.umhverfisraduneyti.is/frettir/Ymislegt_forsida/nr/1278
og nánari upplýsingar um þjóðgarðinn hér:
http://www.umhverfisraduneyti.is/frettir/nr/1277

thumb_01vatnaj 

 

 

 

1. mynd. Nokkrir gestir við stofnun Vatnajökulsþjóðgarðs.

thumb_02vatnaj

 

 

 

 


2. mynd. Magnús Jóhannesson ráðuneytisstjóri flytur tölu.

 

 

 

thumb_03vatnaj

 

 

 

 

 

3. mynd. Eiríkur Björgvinsson ávarpar gesti.

thumb_04vatnaj

 

 

 

 


4. mynd. Einar Bragi og co skemmtu gestum

thumb_05vatnaj

 

 

 

 

 


5. mynd. Hákon Aðalsteinsson flytur öræfaóð sinn úr ljóðabókinni Imbru frá 2002.
Heyr vorar bænir, öræfaandi
óspilltra fjalla.
Gef þú oss mátt til að geyma þinn fjársjóð
um grundir og hjalla.
Laufgaðir bakkar, lágvaxinn gróður,
lindur sem kliða,
burkni í skoru og blóm í lautu,
biðja sér griða.

 thumb_06vatnaj

 

 

 

 

 

6. mynd. Völundur Jóhannesson dregur Vatnajökulsþjóðgarðsfánann að húni.

thumb_07vatnaj

 

 

 


7. mynd. Magnús og Völundur á spjalli, Gunnar fylgist með.

thumb_08vatnaj

 

 

 


8. mynd. Þórhallur Þorsteinsson formaður Ferðafélags Fljótsdalshéraðs og svæðisráðsmaður leggur línurnar fyrir Agnesi Brá Birgisdóttur Vatnajökulsþjóðgarðsverði á austursvæði. Gestir skoða vinningstillögu um gestastofu.

thumb_09vatnaj

 

 

 

 


9. mynd. Snæfell og nágrenni tilheyra nú Vatnajökulsþjóðgarði.

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir