fb40x40 unionjack

logona314

logona314
  • Fréttir

Hálfdán Björnsson frá Kvískerjum

Úr skodýrasafni sem Hálfdán gaf Náttúrugripasafninu í Neskaupstað.Hálfdán Björnsson frá Kvískerjum í Öræfum lést þann 10. febrúar síðastliðinn tæplega níræður að aldri. Hálfdan var sjálflærður og mikilsvirtur náttúruvísindamaður og áttu Náttúrugripasafnið í Neskaupstað og Náttúrustofa Austurlands hauk í horni þegar hann var annars vegar. Hálfdan var næmur á fyrirbæri náttúrunnar og fylgdist vel með öllum breytingum og sveiflum ár frá ári. Þá var hann ötull safnari náttúrugripa og átti stórt safn skordýra, fugla og eggja. Stór hluti eggjasafnsins sem er til sýnis á Náttúrugripasafninu er gjöf frá honum sem og hluti fiðrildasafnsins og annarra skordýra. Náttúrstofan þakkar þessum merka vísindamanni góða viðkynniningu og vinsemdina og sendir vinum og vandamönnum samúðarkveðjur.

 

Flækingsfiðrildi í ljósgildrur Náttúrustofu Austurland.

GammyglaÁrlega veiðast fiðrildi sem teljast flækingar í þær þrjár ljósgildrur sem Náttúrustofa Austurlands hefur umsjón með. Komur flækingsfiðrilda og fjöldi þeirra er misjafn eftir árum en sumar tegundir eins og kálmölur er árlegur gestur í gildrunum í Neskaupstað og Hallormsstað. Stundum gerist það að tegundir ná að koma á fót nýrri kynslóð en líkurnar á því aukast með hlýnandi veðurfari. Í töflunni hér fyrir neðan má sjá yfirlit yfir tegundir flækingsfiðrilda og fjölda þeirra sem veiðst hafa í gildrurnar í þau sjö ár sem fiðrildavöktunin hefur staðið yfir.
Eins fundust og náðust árið 2016 garðygla og skrautygla á Urriðavatni og gammaygla í Fellabæ og skrautygla á Egilsstöðum en þær veiddust ekki í ljósgildrur.

Riða í hreindýrum

HreindýrHjartarriða ( e: Chronic Wasting Disease )var fyrst greind í villtu hreindýri í Noregi sl. vor og þar með í fyrsta skiptið í Evrópu.  Stuttu síðar greindust þar tveir elgir með hjartarriðu. Þessi þrjú dýr voru að segja má greind tilviljunarkennt en í framhaldi voru skipulagðar viðamiklar sýnatökur í hjartardýrum á veiðitíma sl. haust til að kortleggja sjúkdóminn í Noregi. Í þeim sýnatökum fundust tvö sýkt hreindýr til viðbótar af alls 699 hreindýrum sem voru prófuð fyrir riðu. Ekki fundist fleiri sýktir elgir, né hirtir eða dádýr. Í framhaldi af þessum tíðindum frá Noregi var ákveðið hjá MAST að fá sýni úr íslenskum  hreindýrum til að skima eftir riðu. Í  haust tók hreindýrasérfræðingur Náttúrustofu Austurlands sýni úr heila 15 dýra fyrir Sigrúnu Bjarnadóttur hjá Matvælastofnun. Niðurstöður liggja nú fyrir og er það gleðiefni að riða fannst ekki í þessum sýnum.
Sjá frétt MBL um málið.



Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir