fb40x40 unionjack

logona314

logona314

Náttúrustofuþing 2011

Forstöðumenn Náttúrustofanna: aftari röð frá vinstri, Þorleifur Eiríksson, NAVE, Þorsteinn Sæmundsson NNV, Ingvar Atli Sigurðsson Nattsud, Sveinn kári Valdimarsson  NR, Jón Ágúst Jónsson NA. fremri röð frá vinstri; Róbert Arnar Stefánsson NSV og Þorkell Lindberg Þórarinsson NNA.Árlegt Náttúrustofuþing var haldið í sjöunda sinn í Egilsbúð í Neskaupstað miðvikudaginn 26. október síðastliðinn. Þingið var vel heppnað og aðsókn góð. Alls mættu um 70 manns til að hlýða á fjölbreytt erindi starfsmanna náttúrustofa og gestafyrirlesara. Í kjölfar málþingsins fundaði starfsfólk náttúrustofa um sameiginleg málefni stofanna. Útdrætti úr erindum á Náttúrustofuþinginu má nálgast hér

 

 

Lesa meira

Náttúrustofuþing í Neskaupstað þann 26. október næstkomandi

Náttúrustofuþing í NeskaupstaðNáttúrustofuþing verður haldið í Neskaupstað miðvikudaginn 26. október næstkomandi. Þar gefst gestum tækifæri til að hlýða á fjölbreytt erindi starfsmanna náttúrustofa og gestafyrirlesara. Náttúrustofur eru sjö talsins, dreifðar vítt og breitt um landið. Þær mynda með sér Samtök náttúrustofa, sem er samstarfs- og samráðsvettvangur þeirra. Frá árinu 2005 hafa náttúrustofurnar skipst á að halda ráðstefnu haust hvert í tengslum við aðalfund samtakanna. Að þessu sinni er gestgjafinn Náttúrustofa Austurlands. Dagskrá ráðstefnunnar má nálgast  hér

Ráðstefnan er öllum opin

 

Dularfullir hringir á Vallanesi.

Vallaneshringir Í hreindýraflugi þann 1. júlí 2011 sáust all margir og misstórir hringir á Vallanesi. Sú kenning var fram sett af undirrituðum og Jóni Inga Sigurbjörnssyni að þarna væru lendingarummerki fljúgandi furðuhluta. Þann 15. september voru hringirnir skoðaðir með Eymundi í Vallanesi og Helga Hallgrímssyni. Niðurstaða var að hér væru um sveppabaugi að ræða af völdum skurðspyrðu (Lyophyllim multiformis) skv greiningu Helga en þeirra væri helst að vænta og oft í stórum breiðum á skurðruðningum. Hringirnir sem við skoðuðum voru um 15 og 30 metrar í þvermál. Þeir sem vilja vita meira um sveppabauga er bent á Sveppabók Helga Hallgrímssonar

 

Lesa meira

Líffræðinemar í heimsókn.

Þórður Júlíusson líffræðikennari í VA með einum nemanumEins og undanfarin ár fóru nemar í líffræði og jarðfræði við Verkmenntaskóla Austurlands í vettvangsferð á Mývatn, ýmist að læra um jarðfræði svæðisins eða lífríki.
Það voru raungreinakennararnir Einar Þórarinsson, Gunnar Ólafsson og Þórður Júlíusson sem fóru með nemendum í þessa ferð.  Þegar heim er komið vinna nemendur úr gögnum sem safnað var í ferðinni. Hluti hópsins kom hingað á Náttúrustofuna til að fá aðstoð við að greina lífverur úr sýnum sem tekin voru úr Laxá og Mývatni.

Lesa meira

Hreindýraveiðum lokið þetta haustið.

HreindýrSamkvæmt upplýsingum á vefnum hreindyr.is náðist að veiða allan útgefinn hreindýrakvóta ársins en veiðitímabilinu lauk í gær. 
Útgefin voru 1001 leyfi til að veiða 421 hreintarf og 580 hreinkýr. Tarfaveiðinni lauk 15 september en veiða má kýr fimm dögum lengur.
Aðstæður á veiðitímabilinu voru oft erfiðar enda veðurfar ekki eins og best verður á kostið til á austurlandi, mikið um þoku og lélegt skyggni. Engu að síður gekk veiðin vonum framar og var síðasta hreinkúin felld um kl 20 í gærkvöld.
Nánari upplýsingar um veiðarnar má finna á www.hreindyr.is

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir