Tvær Silkitoppur sáust við bæinn Hof í Norðfjarðarsveit sunnudaginn 28. október síðastliðinn. Silkitoppur verpa í barrskógum Skandinavíu, Rússlands og Kanada. Fuglarnir eru félagslyndir, oft gæfir og Þekktir fyrir að leggjast í flakk ef fæðuframboð er lítið. Þær sjást nær árlega á Íslandi en mis mikið milli ára. Gott ráð til að hæna silkitoppur að sér er að bjóða þeim upp á epli.
Þessi litfagr
i spörfugl tilheyrir ættkvísl silkitoppa. Tegundin verpur í barrskógum Norður-Evrópu, Asíu og vesturhluta Norður-Ameríku. Mismikill fjöldi þessara fugla leggst í far suður og suðvestur á bóginn á haustin og sjást þá m.a. stundum á Íslandi.
Á veturna éta þessir fuglar helst ávexti og ber og eru ekki óalgengir gestir í görðum Íslendinga frá október og fram í apríl. Sumarið 2011 var í fyrsta sinn staðfest varp silkitoppu í Mývatnssveit en óvenjulegt er að sjá þennan fugl hérlendis að sumarlagi.
Skýrslur 2017
175. Rannsóknir á lífríki Seyðisfjarðar - Botndýr, mælingar á seti, fuglar og þörungar í fjöru
174. Rannsóknir á lífríki Stöðvarfjarðar - Botndýr, mælingar á seti, fuglar og þörungar í fjöru
173. Þeistareykjavegur - Mat á uppgræðslu vegfláa með gróðurtorfum. Skýrsla unnin af Náttúrustofu Austurlands og
Náttúrustofu Norðausturlands fyrir Landsvirkjun
172. Rannsóknir á lífríki í botni Eskifjarðar - Fuglar, botndýr í sjó og leiru og seiði í ám
171. Botndýr við Eyri í Reyðarfirði. Skýrsla unnin af Alta, Náttúrustofu Austurlands og RORUM fyrir Fjarðabyggð
170. Gróðurvöktun á Fljótsdalsheiði. Samanburður á samsetningu og þekju gróðurs árin 2008 og 2016
169. Vatna- og sundfuglar á Jökulsá á Dal og endur á Lagarfljóti og á vötnum á Fljótsdalsheiði árið 2016
168. Alcoa Fjarðaál Umhverfisvöktun 2016. Skýrsla unnin af Náttúrustofu Austurlands og Nýsköpunarmiðstöð Íslands
fyrir Alcoa Fjarðaál. Viðaukar.
167. Vöktun Náttúrustofu Austurlands 2016 og tillaga um veiðikvóta og ágangssvæði 2017
166. Heiðagæsarannsóknir á vatnasviði Kárahnjúkavirkjunar árið 2016.
165. Rannsóknir á lífríki Viðfjarðar - Fuglar, botndýr og seiði í ám.
164. Rannsóknir á lífríki Hellisfjarðar - Fuglar, botndýr og seiði í ám.
Sunnudaginn 18. ágúst 2013 óku vegfarendur fram á ungan dílaskarf við þéttbýlið á Egilsstöðum þar sem hann var á vappi innan um bílaumferð. Það voru þau Maríanna Magnúsdóttir og Sigurður Helgi Magnússon sem komu fuglinum til bjargar. Eftir að hafa metið aðstæður og séð í hvaða óefni skarfurinn var kominn í, var hann snarlega umvafinn teppi og settur í hundabúr og ekið með hann að Lagarfljóti þar sem honum var sleppt. Á meðfylgjandi myndum má sjá fuglinn þar sem hann var björguninni og frelsinu feginn.
Tjaldurinn ( Haematopus ostralegus )sást í Mjóafirði 7.mars síðastliðinn í botni Mjóafjarðar. Einnig sáust 15-20 tildrur (Arenaria interpres ) í þorpi Mjóafjarðar, Það var Jóhann Egilsson í Mjóafirði sem tilkynnti um vorboðana til Náttúrustofu Austurlands.
Starfsfólk Náttúrustofu Austurlands hvetur ykkur austfirðingar góðir til þess að senda okkur línu þegar þið sjáið vorboðana koma í ykkar heima haga. senda má upplýsingar og myndir ef þær eru til á netfangið na(hjá)na.is
Náttúrugripasafninu í Neskaupstað áskotnaðist um liðna helgi glæsilegur uppstoppaður hani. Haninn var boðinn upp á árlegum markaði Hosanna sem haldinn var í Safnahúsinu. Það var Pólska samfélagið í Neskaustað sem bauð best í hanann og ákvað að færa hann Náttúrugripasafninu að gjöf. Þannig voru slegnar tvær flugur í einu höggi með styrk til bæði Hosanna og Náttúrugripasafnsins. Það voru Kristín Ágústsdóttir og Guðmundur Sveinsson sem tóku við hananum fyrir hönd safnsins.
Haninn hefur frá upphafi fylgt húsinu Brekku í Neskaupstað, en það voru núverandi hænsnabændur á Brekku sem gáfu Hosunum hanann uppstoppaða. Áður var hann eigu hjónanna Guðna og Úrsúlu á Brekku, bæði lífs og liðinn.