8. maí. Fuglatalning og fuglaskoðun á leirum Reyðarfjarðar og Norðfjarðar
Samvinnuferð með Ferðafélagi fjarðamanna á austurlandi. Sérfræðingar frá Náttúrustofu Austurlands stjórna talningu og koma með „fuglaskóp“ fyrir þátttakendur. Frítt fyrir alla.
Mæting á háfjöru
kl. 16:00 á Norðfirði og kl. 17:00 á Reyðarfirði.
Þann 10. ágúst 1994 fönguðu Bjarke Laubek og félagar fullorðna álft í sárum á Geldingavatni í Tunguheiði og merktu. Hún fékk stálhring á hægri fót og gult plastmerki um hálsinn sem á stóð 3J05. Hún hefur því verið að minnsta kosti 4-5 ára gömul þegar hún var merkt. Frá merkingu til dagsins í dag eru liðin 18 ár. Þann 10. apríl s.l. sást þessi fugl ásamt maka sínum í akri á Úthéraði. Sjá fréttina í heild með því að smella hér
Þessi brandugla Asio flammea varð á vegi starfsmanns Náttúrustofu Austurlands um helgna í Norðurdal í Breiðdal, brandugla hefur sést af og til á þessum slóðum í vetur en ekki náðst á mynd fyrr en nú.Starfsfólk Náttúrustofu tekur fagnandi við myndum og upplýsingum sem þessum,á netfangið na[@] na.is
Grágæsin „Diana“ sem merkt var í Bóndastaðablá á Úthéraði í júlílok 2014 hefur dvalið í Skotlandi í vetur eftir merkilegt ferðalag til vetrarstöðvanna með viðkomu á flestum eyjum á leiðinni. Sjá má ferilskráð ferðalagið á eftirfarandi vefslóð: http://tracking.wwt.org.uk/maps/greylag.php
Sjá fréttina í heila með því að smella hér.
Þann 25. mars 2016 kom ungur fálki um borð í Gullverið NS12 frá Seyðisfirði um 45 sjómílur (90 km) austur af Hvalnesi. Skipverjar buðu honum upp á ýmislegt góðgæti, m.a. gulllax og þorsk sem fuglinn át af bestu list. Gunnlaugur Hafsteinsson hafði samband við fálkasérfræðing á Náttúrufræðistofnun Íslands sem lagði mat á fuglinn. Daginn eftir virtist nokkuð dregið af fálkanum og hann handsamaður og settur í kassa þar sem hann hvíldist í nokkrar stundir. Hann var svo fluttur í Egilsstaði endurnærður þar sem hann var myndaður í krók og kring (sjá meðfylgjandi myndir; Gunnlaugur Hafsteinsson og Skarphéðinn G. Þórisson). Fálkinn fékk stálmerki á fót áður en honum var sleppt frjálsum út í lífið.
-8d50594478.jpg)
-8cd9dfdb5f.jpg)
-d4c0ca424d.jpg)
-d024becd8b.jpg)
Þann 9. júlí bjargaði breskur gönguhópur fálka úr netagirðingu í Viðfirði. Berglind Ingvarsdóttir á Mjóeyri sagði að hann hefði verið dasaður og ekki flogið eftir björgunina. Hún bætti síðan við; „Eftir samtal við Náttúrufræðistofnun var það úr að freista þess að ná fuglinum og senda í húsdýragarðinn til aðhlynningar.... Já, við fórum út í Viðfjörð til að athuga með hann [12.7.2015]. Þá var hann á göngubrúnni og makinn vældi heil ósköp upp í hlíðinni fyrir ofan. Þegar við svo komum að honum var hann kominn í fjöruna og flaug til fjalls þegar við nálguðumst hann, flugið virtist frekar erfitt fyrir hann í fyrstu en svo lagaðist það heldur og saman flaug þetta flotta par lengst upp til fjalls.“
Jón Guðmundsson hafði samband við náttúrustofuna og sagði frá flotmeisu í garði sínum að Mýrargötu 1 og sendi með myndir máli sínu til stuðnings:
“Þessi skemmtilegi fugl er búinn að vera nokkra daga við heimili mitt og náði ég fyrst myndum af honum í gær. Var fyrst var við hann einn morgun um sex leitið að mér fannst eitthvað stórt vera á hreyfingu við gluggann minn sem var opinn svo ég fór að fylgjast með og sá þennan fugl. Hann labbaði upp steníklæðninguna innan á glugganum og hékk á hvolfi í kverkinni og þegar ég ætlaði að fara og ná í myndavél þá flaug hann. Síðan var hann að sniglast í trjám og moldarbörðum í kring um húsið.”
Blautur og kaldur bliki
Fimmtudaginn 17. febrúar var komið með æðarblika (Somateria mollissima) á Náttúrustofuna. Blikinn var blautur og kaldur þegar komið var með hann og var hann baðaður og þurrkaður. Hann var við hestaheilsu eftir það og var farin að éta og drekka á föstudaginn. Á laugardaginn var síðan tekin ákvörðun um að sleppa honum og virtist hann vera frelsinu feginn. Svo virðist sem hann hafi lent í einhverju sem hefur takmarkað einangrun hans en óstaðfest þó hvað það gæti hafa verið.
Árlegur fugladagur verður Laugardaginn 12. maí. Fuglatalning og fuglaskoðun á leirum Reyðarfjarðar og Norðfjarðar
Samvinnuferð Ferðafélags fjarðamanna og Náttúrustofu Austurlands. Sérfræðingar Náttúrustofu stjórna talningu og koma með „fuglaskóp“ fyrir þátttakendur.
Mæting á háfjöru kl. 12:30 á Norðfirði og kl. 13:30 á Reyðarfirði.
Fuglaskoðun og fuglatalning á leirum Norðfjarðar og Reyðarfjarðar verður laugardaginn 10.maí. Þetta er árviss viðburður sem Náttúrustofa Austurlands og Ferðafélag Fjarðamanna standa að. Fuglaskóp verður á staðnum og starfsmenn Náttúrustofunnar leiðbeina fólki.
Mæting á háfjöru á leirunum á Norðfirði klukkan 11:00 og við Andapollinn á Reyðarfirði klukkan 11:30. Frítt fyrir alla og allir velkomnir
Hinn árlegi fugladagur Ferðafélags Fjarðamanna og Náttúrustofu Austurlands sem haldin var þann 5. maí síðastliðin á leirunum í Norðfirði og Reyðarfirði tókst með ágætum. Dagurinn hófst kl. 09:00 á leirunum í Norðfirði undir leiðsögn Skarphéðins G. Þórissonar og Ránar Þórarinsdóttur og þrátt fyrir nokkurn kulda mættu um 12 áhugasamra fuglaskoðara við leiruna. Á leirunum við Reyðarfjörð hófst dagurinn kl. 10:30 undir öruggri leiðsögn Halldórs W. Stefánssonar en heldur fleiri eða 22 fuglaskoðarar voru mættir þar, enda Halldór ástsæll meðal fuglaskoðara á Reyðarfirði.
Fugladagur Ferðafélags Fjarðarmanna og Náttúrustofu Austurlands var að þessu sinni haldinn 10. maí á Norðfirði og Reyðarfirði. Um leiðsögn sáu Skarphéðinn G. Þórisson, Halldór W. Stefánsson og Rán Þórarinsdóttir en auk þeirra voru mættir nær allir starfsmenn Náttúrustofunnar ásamt Ínu Gísladóttur frá Ferðafélagi Fjarðarmanna leiðsögumönnum og öðrum fuglaskoðurum til halds og trausts.
Hin árlega fuglaskoðun Náttúrustofu Austurlands og Ferðafélags Fjarðarmanna fór fram í blíðskaparveðri á leirunum í Reyðarfirði og Norðfirði á morgunfjörunni sunnudaginn 10.maí eftir að henni hafði verið frestað um einn sólarhring vegna veðurs á laugardegi.
Hinn árlegi fugladagur Ferðafélags Fjarðamanna og Náttúrustofu Austurlands var haldinn þann 7. maí síðastliðinn á leirunum í Norðfirði og Reyðarfirði. Hann tókst með ágætum þrátt fyrir að veðrið léki ekki við fuglaskoðara.
Fugladagurinn var síðastliðinn laugardag 12 maí og má sjá samantekt frá þeim degi fyrir Reyðarfjörð og Norðfjörð með því að smella hér
Árlegur fugladagur var haldinn á fjörðunum 12. maí 2013. Náttúrustofa Austurlands og Ferðafélag Fjarðamanna standa fyrir þessum degi í maí á hverju ári á Norðfirði og í Reyðarfirði. Náttúrustofan mætir með fjarsjá þar sem sjá má fugla í meira návígi. Flestir mæta sjálfir með kíkja og allir hjálpast að við að greina þá fugla sem sjást. Ungir sem aldnir, óvanir áhugamenn jafnt sem glúrnir fuglagrúskarar spyrja og deila fróðleik um einkenni og atferli hinna og þessara tegunda. Enginn fugl þykir of ómerkilegur til að ræða þótt skoðanir á þeim séu ólíkar.
Hinn árlegi fugladagur sem Náttúrustofa Austurlands og Ferðafélag Fjarðarmanna standa fyrir, fór fram á Norðfirði og á Reyðarfirði 3. maí 2014.
Árleg fuglatalning og fuglaskoðun verður næstkomandi helgi.
Laugardaginn 2. maí, kl. 9 á Reyðarfirði við Andapollinn.
Sunnudaginn 3. maí, kl. 9 á Norðfirði við Leiruna.
Samvinnuferð Ferðafélags Fjarðamanna og Náttúrustofu Austurlands um leirur Reyðarfjarðar og Norðfjarðar.
Sérfræðingar Náttúrustofu stjórna talningu og koma með „fuglaskóp" fyrir þátttakendur. Allir velkomnir.
Leirufuglar 2016 á Reyðarfirði.
Þann 7.5.2016 mættu átta manns í árlega leirufuglaskoðun Náttúrustofunnar og Ferðafélags Fjarðarmanna við Andapollinn og leiruna í botni Reyðarfjarðar kl 9:00 til 11:00. Veður var ágætt; vestan strekkingur, hálfskýjað og hiti um 5°.
Alls sáust 30 fuglategundir sem flestar eru hefðbundnar fyrir svæðið og hafa sést áður að undanskilinni einni, stormmáfi. Eftirfarandi tegundir sáust að þessu sinni:
Heiðagæs, silfurmáfur, heiðlóa, stelkur, skúfönd, spói, stokkönd, grágæs, hettumáfur, fýll, stormmáfur, sandlóa, jaðrakan, tjaldur, lóuþræll, þúfutittlingur, kría, bjargdúfa, æður, dílaskarfur, kjói, hávella, sendlingur, tildra, álft, álka, svartbakur, rauðhöfðaönd, straumönd og skógarþröstur. Hrossagaukar flugu yfir svæðið þegar fuglaskoðun var lokið og telst hann því ekki með.
Heiðagæsahópar í oddaflugi í mikilli hæð flugu inn fjörðinn á meðan fuglaskoðun stóð sem greinilega voru að koma til landsins af hafi.
Einn landselur virti fuglaskoðara fyrir sér skammt frá landi og vöktu tveir franskir fuglaskoðarar mesta athygli hans.
Leirufuglar 2016 á Norðfirði.
Auk fjögurra starfsmanna frá Náttúrustofu Austurlands mættu 11 manns til fuglaskoðunar við Leirurnar í botni Norðfjarðar laugardaginn 7. maí 2016. Veður var kalt en bjart. Vestan strekkingur var framan af og hiti 4-5 gráður C°. Fuglaathugunin hófst kl 8 að morgni og stóð í um einn og hálfan klukkutíma en þá voru menn orðnir nokkuð vindbarðir, kaldir og komnir með óhóflegt sandmagn í hársvörðinn .
Vegna vindgnauðs þyrptust fuglaskoðarar í hnapp skjólmegin við sandbing á söndunum innan við ósinn og skoðuðu þar sandana fyrir utan. Sandarnir í Norðfjarðaránni voru einnig skoðaðir lauslega en Leirurnar norðan flugvallar og Ingunnarkíll voru ekki skoðaðir að þessu sinni meðan á talningu stóð. Í ár sáust aðeins 17 tegundir meðan á formlegri athugun stóð en toppandarpar á Leirunum, nokkrar skúfendur á Ingunnarkíl og hrossagaukur á flugi bættust við þegar kíkt var lauslega yfir allt svæðið eftir að fuglaathuguninni lauk.
Eftirfarandi tegundir sáust: Grágæs, rauðhöfði, æður, hávella, tjaldur, heiðlóa, sandlóa, lóuþræll, sendlingur, stelkur, hettumáfur, sílamáfur, silfurmáfur, líkl. bjartmáfur (ungur), kría, þúfutittlingur og hrafn.
Frá Náttúrurstofu Austurlands mættu: Elín Guðmundsdóttir, Kristín Ágústsdóttir, Áslaug Lárusdóttir og Rán Þórarinsdóttir. Aðrir fuglaskoðarar á svæðinu þennan morgun: Þorgeir. V. Þórarinsson (heilsaði upp á okkur en var annars mættur til að taka út æðarvarpið), Tómas Ægir Theodórsson, Benedikt K. Gröndal, Kristín B. Jónsdóttir, Ari Benediktsson, Ari Sigurjónsson, Hafrún Katla Aradóttir, Jóna Katrín Aradóttir, Benedikt Sigurjónsson, Sigurður Þór Vilhjálmsson og Robyn Vilhjálmsson.
Þorgeir gat frætt okkur á því að minkur hafi verið að gera kollum lífið leitt í varpinu en hann hafði náðst deginum áður.
Það verður að teljast vel af sér vikið að svo margir fuglaáhugamenn sjá sér fært að mæta svo snemma á laugardagsmorgni þrátt fyrir svalt og vindasamt veður. Bætti það vel upp fyrir fremur slæglega mætingu fuglategunda. Vonandi verður mæting fuglaskoðara áfram góð á næsta ári og fuglategundir á Norðfjarðarleirum fleiri.
Árlegur fugladagur Náttúrustofu Austurlands og Ferðafélags fjarðamanna var haldinn 29.apríl 2023. Fjaran var óvenju seint og var mæting við Leirurnar á Norðfirði kl 15:00 en við Leirurnar á Reyðarfirði kl.16:00 eða klukkutíma síðar.
Fallegur dagur léttskýjað en svalt og vindur og hitastigið 2-4°C. Í ár mættu 5 manns á Norðfirði, að starfsmanni Náttúrustofunnar meðtöldum en 7 á Reyðarfirði. Að þessu sinni sáust 24 fuglategundir á Reyðarfirði en 14 tegundir á Norðfirði.
Tegundirnar sem sáust á Reyðarfirði voru: Grágæs, heiðlóa, bjargdúfa, silfurmáfur, hettumáfur, maríuerla, þúfutittingur, skógarþröstur, svartbakur, hrossagaukur, stelkur, urtönd, tjaldur, æðarfugl, stokkönd, sandlóa, hávella, himbrimi, skúfönd, tildra, toppönd, fýll, teista og jaðrakan. Auk þess sást einn landselur.
Á Norðfirði sáust: Grágæs, æðarfugl, hávella, toppönd, tjaldur, sandlóa, sendlingur, tildra, stelkur, hettumáfur, stormmáfur, silfurmáfur, skógarþröstur og heiðlóa.
Ýmsar tegundir eru rétt að mæta á austurlandið um þetta leyti og því hending að þær sjáist í svo stuttri athugun.
