Stunning Instagram Logo Vector Free Download 43 For New Logo with Instagram Logo Vector Free Download 1 1024x1024 fb40x40 unionjack

2018 Ester LogoNA PDF vefstr

logona314
  • Fréttir

Grein í tímaritinu "Viruses"

Viruses

Þann 23. janúar birtist í tímaritinu ”Viruses” greinin "A Screening for Virus Infections among Wild Eurasian Tundra Reindeer (Rangifer tarandus tarandus) in Iceland, 2017–2019". Hún er afrakstur samvinnu norskra vísindamanna og Náttúrustofu Austurlands

Rannsóknir hafa sýnt að í íslenskum hreindýrum finnast mun færri sníkjudýr en í Fennóskandinavíu en lítið hefur verið vitað um veirusýkingar í þeim. Þessi rannsókn réði bót á því. Blóðsýnum (281) var safnað með hjálp leiðsögumanna með hreindýraveiðum árin 2017-2019. Einu mótefnin sem fundust voru gegn pestivirus (2 sýni) og MCFV (malignant catarrhal fever viruses) fannst í einu sýni. Þetta var í fyrsta sinn sem mótefni gegn pestivirus finnst í íslenskum hreindýrum en yfir helmingur norskra hreindýra er með hana.

Jóhann Finnur Sigurjónsson ráðinn til Náttúrustofu Austurlands

johannfinnur webJóhann Finnur Sigurjónsson B.Sc. líffræðingur hóf störf á Náttúrustofu Austurlands í byrjun janúar. Jóhann Finnur starfaði áður við Háskólann Hólum sem aðstoðarmaður við fiskeldisrannsóknir og hjá Náttúrufræðistofu Kópavogs við greiningar á smádýrasýnum. Í lokaverkefni sínu við Háskóla Íslands bar hann saman sumar- og vetrarfæðu eyruglu á Íslandi. Við bjóðum Jóhann Finn velkomin til starfa.

Kvóti fyrir veiðiárið 2023

Tillögur Náttúrustofu Austurlands um kvóta hreindýra fyrir veiðiárið 2023 voru lagðar fram á fundi hreindýraráðs í gær, 30. nóvember 2022. Drög að kvóta  upp á 938 dýr voru kynnt þann 1. nóvember 2022 og sett í opið samráð  þar sem öllum gafst tækifæri á að koma með rökstuddar athugasemdir við tillögur Náttúrustofunnar. Samráði lauk þann 25. nóvember og alls bárust athugasemdir frá fjórum aðilum: Félagi leiðsögumanna með hreindýraveiðum, Jóhanni Guttormi Gunnarssyni starfsmanni Umhverfisstofnunar, Ólafi Erni Péturssyni Skálanesi og Björgvini Má Hanssyni Fáskrúðsfirði.

Náttúrustofan er þakklát fyrir allar athugasemdir og ábendingar og var tekið tillit til þeirra. Lokaniðurstaðan er sú að lagt er til að hreindýrakvóti ársins 2023 verði 901 dýr.

Ljóst varð við yfirferð athugasemda að aðferðafræði talninga og útreikningar á stofnstærð hafa ekki verið settar fram með nægjanlega skýrum hætti og verður aðeins bætt úr því hér og jafnframt haft í huga við framsetningu næstu vöktunarskýrslu. sjá nánar hér.

 2022 12 01 kvóti tafla

Hreindýrakvóti ársins 2023 - opið samráð

2023 Opiðsamrað

Tillögu um hreindýrakvóta ársins 2023 má lesa hér

Einungis er tekið við skriflegum athugasemdum við kvótatillögu Náttúrustofu Austurlands

(ekki er tekið við athugasemdum í gegnum síma) og skulu þær berast stofunni fyrir miðnætti
25. nóvembers 2022 með eftirfarandi hætti:
1. Í tölvupósti á netfangið This email address is being protected from spambots. You need JavaScript enabled to view it. – vinsamlega hafið fyrirsögnina „kvóti 2023“
2. Í skilaboðum (messenger) til Náttúrustofu Austurlands á Facebook
3. Með því að skrá inn í form í gegnum heimasíðu Náttúrustofu Austurlands smellið hér. 
4. Bréfleiðis á Náttúrustofu Austurlands, Tjarnarbraut 39b, 700 Egilsstaðir

Náttúrustofuþing og ársfundur Náttúrufræðistofnunar Íslands sameiginlegur

20220928 154708 rþÞann 28. september sl. fór fram tímamótafundur í Borgarnesi þegar Náttúrufræðistofnun Íslands og náttúrustofur sameinuðu ársfund NÍ og náttúrustofuþing.
Fundinn ávörpuðu Guðlaugur Þór Þórðarson umhverfis-, orku- og loftslagsráðherra, Eydís Líndal Finnbogadóttir forstjóri Náttúrufræðistofnunar Íslands og Líneik Anna Sævardóttir stjórnarformaður Náttúrstofu Austurlands. Í erindi Líneikar kom m.a. fram að þó samstarf stofnanna sé markað í lögum er ekkert sem nær utan um það mikilvæga tengslanet starfsmanna sem er grundvöllur samstarfs.  Á náttúrustofunum 8 um land allt starfa alls um 50 manns, mest megnis náttúrufræðingar, sem er svipaður fjöldi og starfar á Náttúrufræðistofnun Íslands. Ljóst er að náttúrustofur hafa mikilvægt samfélagshlutverk í dreifðum byggðum sem felst m.a. í að auka þekkingu á náttúru, styrkja innviði og hækka menntunarstig.
Í kjölfar ávarpa voru flutt áhugaverð erindi starfsmanna NÍ og náttúrustofa. Fulltrúi Náttúrustofu Austurlands var Rán Þórarinsdóttir sem fjallaði um rannsóknir sínar á burðarsvæðum hreindýra á Snæfellsöræfum sem ná aftur til ársins 2005. Hægt er að lesa um niðurstöður rannsóknanna hér.

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Bakkavegi 5
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir