fb40x40 unionjack

2018 Ester LogoNA PDF vefstr

logona314

Grátrönur koma upp ungum

Grátrönupar með ungaGrátrönur (Grus grus) hafa lengið verið flækingsfuglar á Íslandi og áttu fæstir von á að þær tækju upp á því að verpa hérlendis í bráð. Engu að síður hafa þær orpið á Austurlandi í nokkur ár og hefur Náttúrustofan áður flutt fréttir af því.
Síðastliðið vor mættu þær austur á land en lítið fór fyrir þeim þrátt fyrir stærðina og er lítið vitað hvað þær aðhöfðust um sumarið annað en það að um haustið birtust þær með afraksturinn, tvo fleyga unga tilbúnar til farflugs.
Þessir tignarlegu fuglar eru kærkomin viðbót við það sem fyrir er og mögulega getur myndast hér lítill varpstofn sem áhugavert verður að fylgjast með í framtíðinni. Og þá er bara að bíða og vona að þær skili sér til baka að ári.

Meðfylgjandi myndir tók Halldór Walter Stefánsson af grátrönupari með tvo unga 18. september 2018.

Grátrönupar með unga

 

Vetrarbeit hreindýra

42104353 2284177561617178 5166813157070471168 nÍ byrjun september fengu starfsmenn Náttúrustofunnar norskan gróðursérfræðing, Hans Tømmervik, í heimsókn til að koma af stað rannsókn á vetrarbeit hreindýra. Það gekk vel og urðu starfsmenn Stofunnar margs fróðari um fléttur og annan gróður sem hreindýrunum þykir gott að bíta.

Gullglyrna (Chrysoperla carnea)

Gullglyrna ljósmynd Erling ÓlafssonÞó nokkrar gullglyrnur bárust til Náttúrustofunnar í sumar og höfðum við fregnir af þeim víða að á austurlandi. 
Þær vöktu athygli fólks fallega grænar en sumum leist ekki á þær.  Gullglyrnur eru af bálki netvængja og er tegundin árviss flækingur hér á landi . Nánar má lesa um Gullglyrnur á vef Náttúrufræðistofnunar og á fésbókarsíðunni Heimur smádýranna.

Skaðræðistíð fyrir GPS dýrin okkar - Kristín og Linda allar

Linda ásamt stöllum sínum þegar nýlega var búið að merkja hana í veturÞau leiðu tíðindi bárust að GPS kýrin okkar hún Linda sem merkt var í mars sl varð fyrir slysaskoti. GPS kýrnar eru vel merktar með litríka hálskraga, en því miður sást Linda ekki í kúahópi sem skotið var úr. Við erum í góðu samstarfi við hreindýraleiðsögumenn sem er dýrmætt og fáum við tækið til okkar. Stefnt er að því að koma því við fyrsta tækifæri í vetur á nýtt dýr.

Lesa meira

Náttúrufræðinámskeið á Mjóeyri 2018

Náttúrunámskeið 2018Náttúrustofa Austurlands og Ferðaþjónusta Mjóeyrar hafa frá 2008 haldið 5 daga náttúrufræðinámskeið fyrir krakka í Gönguvikunni í júní. Í ár var námskeiðið haldið dagana 25.-29. júní. Vegna aðkomu og aðstoðar frá nokkrum forráðamönnum var hægt að taka á móti met fjölda barna en í ár voru 19 krakkar skráðir til leiks. Námskeiðið er miðað við börn á aldrinum 7-10 ára og óhætt að segja að áhuginn er mikill.

Lesa meira

Fallegar Kambhveljur við Mjóeyri

KambhveljaÍ fjöruskoðun á Mjóeyri við Eskifjörð 29. júní 2018 fundu krakkar sem voru á Náttúrufræðinámskeiði tvær hveljur í fjöruborðinu sem ekki höfðu áður sést á námskeiðinu. Voru hveljurnar háfaðar upp og myndaðar. Starfsfólk Náttúrustofunnar komust að því að hér væri um svokallaðar kambhveljur (Ctenophora) að ræða sem við fyrstu sýn minna nokkuð á marglyttur en eru þó lítt skyldar þeim. Fyrirspurn var send á Hafrannsóknastofnun og þar var greining Náttúrustofunnar staðfest og talið líklegt að þetta eintak væri af tegundinni Beroe Cucumis.

Þótt þetta dýr kunni að þykja nýstárleg í augum venjulegra landkrabba þá er hún algeng í Norður Atlandshafi og birtist oft á myndum Hafrannsóknarstofnunar úr efstu tugum metra sjávar (upplýsingar í tölvupósti frá Steinunni Hilmu Ólafsdóttur hjá Hafró).

Lesa meira

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir