03.10. 2006 Gransöngvararnir gleðja
Tíu til fimmtán gransöngvarar (Phylloscopus collybita) hafa glatt bæjarbúa í Neskaupstað í vikunni þar sem þeir hafa verið iðnir við að hreinsa grenilús af trjám, m.a. á Mýrargötunni. Einnig hefur sést til hettusöngvara (Sylvia atricapilla), svartþrasta (Turdus merula) og auðnutittlinga (Carduelis flammea).
Þann 24. október rak Halldór W. Stefánsson augun í merki í hægra eyra tarfs á Fagradal. Hann var þar í hópi rúmlega 100 dýra, hinni svokallaðri Reyðarfjarðarhjörð. Seinna sást að merkið var hvítt og með tölustafnum 8. Tarfurinn hafði verið merktur af Jóni Agli Sveinssyni og Reimari Ásgeirssyni þann 24. maí 2004 undir fjallinu Andra inn af Eskifirði. Þá var tarfurinn ungi myndaður af Reimari Ásgeirssyni. Eins og sést á meðfylgjandi myndum er tarfurinn afar hornprúður af tveggja ára tarfi að vera og hefði eflaust verið talinn þriggja ára ef merkið hefði ekki sést.
Þann 5. nóvember hafði Magnús Jónasson samband við Náttúrustofuna og sagði frá þremur hreindýrum Við Fjarðarselsvirkjun með vír á hornum. Tveir þeirra voru fastir saman. Stuttu seinna hurfu tveir þeirra. Sá sem eftir var hafði enn vír á hornunum en hann var annar þeira sem höfðu verið fastir saman.
Kynhormóninn testosterón stjórnar vaxtarferli horna hreintarfa. Hornavöxturinn miðar að því að þau séu fullþroskuð og hörnuð er fengitími hefst upp úr miðjum september. Í nóvember og desember fella síðan fullorðnir tarfar hornin og þeir elstu og stærstu fyrst.
03.10. 2006 Gransöngvararnir gleðja
Tíu til fimmtán gransöngvarar (Phylloscopus collybita) hafa glatt bæjarbúa í Neskaupstað í vikunni þar sem þeir hafa verið iðnir við að hreinsa grenilús af trjám, m.a. á Mýrargötunni. Einnig hefur sést til hettusöngvara (Sylvia atricapilla), svartþrasta (Turdus merula) og auðnutittlinga (Carduelis flammea).
Náttúrustofa Austurlands annast vöktun og rannsóknir á hreindýrastofninum eins og segir í lögum þar um. Vöktunin nýtist m.a.til að meta ágang hreindýra á jarðir á Austurlandi en það ágangsmat er síðan einn liður í hreindýraarðsútreikningum.
Ljóst er að eftir því sem ítarlegri upplýsingum er safnað um hagagöngu hreindýra allan ársins hring hlýtur þetta mat að verða betra. Því er heitið á jarðeigendur á Austurlandi svo og aðra sem verða varir við hreindýr að tilkynna það til Náttúrustofu Austurlands. Í slíkum upplýsingum þarf að koma fram hver, hvar og hvenær menn sáu dýrin svo og fjöldi þeirra (taka fram ef hann er áætlaður) og annað sem menn telja áhugavert.
Þessum upplýsingum er komið á framfæri með því að hringja í Skarphéðinn G. Þórisson í síma 4712813 eða 8626774 eða að lesa inn skilaboð í talhólf. Einnig má senda tölvupóst á This email address is being protected from spambots. You need JavaScript enabled to view it. eða This email address is being protected from spambots. You need JavaScript enabled to view it.