Þeir sem hafa átt leið um Fagradalinn í október hafa eflaust rekið augun í um 120 hreindýr sem þar hafa dvalið í a.m.k. mánuð. Hreindýrin venjast umferðinni upp að vissu marki og halda ró sinni að mestu leyti meðan menn ganga ekki að dýrunum. Yfirleitt kippa þau sér ekkert upp við það þó menn stoppi til að taka myndir af þeim eða til að sjá þau betur.
Nú er náttúrufræðinámskeiðunum lokið bæði á Norðfirði og Eskifirði. Fullt var á báðum námskeiðunum og voru krakkarnir mjög áhugasöm og ætla sum hver að mæta aftur á næsta ári. Við þökkum krökkunum kærlega fyrir samveruna og vonum að þau hafi haft gaman af.
Ljósm Erlín E. Jóhannsdóttir
Enn er laust pláss á náttúrufræðinámskeiðin sem halda á 12-16.júní á Norðfirði og 19-23. júní á Eskifirði (sjá nánari upplýsingar hér að neðan).
Náttúrustofan stendur fyrir náttúrufræðinámskeiði á Norðfirði og Eskifirði fyrir krakka á aldrinum 8-10 ára. Markmið námskeiðsins er að kynna krökkunum fjölbreytt dýra-og plöntulíf í íslenskri náttúru. Farið verður í fjöruferð, í læk eða tjörn og í fleiri vettvangsferðir. Fuglar verða skoðaðir, smádýrum og plöntum safnað og komið með í hús og það skoðað undir víðsjá og greint.
Námskeiðið verður haldið dagana 12-16 júní á Norðfirði og 19-23 júní á Eskifirði frá kl.09:00-12:00 daglega.
Hámarksfjöldi þátttakenda er 10 og ganga þeir fyrir sem skrá sig fyrst.
Námskeiðsgjaldið er 3.000 kr fyrir barn.
Allar frekari upplýsingar og skráning er hjá Náttúrustofu Austurlands í síma 477-1774
Laugardaginn 22. október síðastliðin héldu Róbert Stefánsson forstöðumaður Náttúrustofu Vesturlands, Páll Hersteinsson prófessor við Háskóla Íslands og Aðalsteinn Aðalsteinsson bóndi og veiðimaður erindi um refi og minka í Kirkju-og menningarmiðstöðinni á Eskifirði. Erindi Páls fjallaði um uppruna íslenska refsins og aðlögun hans að aðstæðum á Íslandi, erindi Róberts fjallaði um líffræði minks og minkarannsóknir. Að lokum sagði Aðalsteinn refaveiðisögur.
Fyrilesturinn heppnaðist vel og mættu 24. Boðið var upp á kaffi og með því og spunnust miklar umræður í kringum fyrirlestrana.
Hér fyrir neðan eru myndir af fyrirlestrinum.
 |
 |
 |
Ljósmyndari : Erlín E. Jóhannsdóttir
Líkt og í fyrrasumar mun Náttúrustofa Austurlands vera með náttúrufræðinámskeið fyrir krakka á aldrinum 8 til 10 ára. Markmið námskeiðsins er að kynna krökkum fjölbreytt dýra- og plöntulíf íslenskrar náttúru. Farið verður í fjöruferð, kíkt í læki, skógræktarreitir skoðaðir o.fl.
Fuglar verða skoðaðir, smádýrum og plöntum safna og komið með í hús til greiningar í víðsjá.
Í fyrra var einungis boðið upp á námskeiðið í Neskaupstað, en í sumar er fyrirhugaða að hafa námskeiðin tvö, eitt í Neskaupstað og annað á Eskifirði/Reyðarfirði. Skráning í námskeiðin er ekki hafin, en endilega fylgist með nánari auglýsingum síðar.