Jólakveðja

23. desember 2021

Hreindýrakvóti ársins 2022 - opið samráð

12. nóvember 2021

Tillögu um hreindýrakvóta ársins 2022 má lesa hér

Tekið er við skriflegum athugasemdum með eftirfarandi hætti:
• Í tölvupósti á netfangið This email address is being protected from spambots. You need JavaScript enabled to view it. - vinsamlegast hafið fyrirsögnina „Kvóti 2022“
• Í skilaboðum (messenger) til Náttúrustofu Austurlands á Facebook
• Með því að smella hér
• Bréfleiðis á Náttúrustofu Austurlands, Bakkavegi 5, 740 Neskaupstað

Ævintýri Gunnarsstaðagassans

01. nóvember 2021

Nú undanfarið hafa fréttamiðlarnir Austurfrétt og mbl.is flutt fréttir af gæsinni sem gengið hefur ýmist undir nafninu Ragnar sem er eftir merkjara sínum eða Gunnarsstaðagassinn eftir Gunnarsstöðum í Þilstilfirði, þar sem hún var merkt í sumar. 

Alls voru 23 gæsir merktar hérlendis í sumar þar af 11 á svæðinu frá Kelduhverfi og suður í Berufjörð. Merkingin er samstarfsverkefni Náttúrustofu Austurlands, Náttúrufræðistofnunar Íslands, Verkís og Nature Scot. Skotarnir leggja til sendana en Íslendingarnir sjá um að merkja gæsirnar.

Kortið sem fylgir hér er fengið úr fréttinni á mbl.is og unnið í samvinnu við Náttúrustofu Austurlands

Hvít bláklukka

14. september 2021

Náttúrustofu Austurlands hafa í sumar borist tvær tilkynningar/fyrirspurnir um hvíta bláklukku, annarsvegar í Fossárdal í Berufirði í júlí og hinsvegar í nágrenni Geithúsaár í Reyðarfirði nú í byrjun september.

Á vef Náttúrufræðistofnunar Íslands segir um bláklukkur: Bláklukka er algeng á Austurlandi en sjaldgæf annarsstaðar, hún er mest á láglendi en sést þó einnig hátt upp eftir fjöllum. Plantan 15-40 sm á hæð og blómstrar bláum klukkum í júlí - ágúst. Bláklukka er einnig til sem hvítt afbrigði en það er sjaldgæft rétt eins og hvítt blágresi eða hvítir ljósberar.

Meðfylgjandi myndir voru teknar af bláklukkum í Fossárdal í júlí 2021 bæði hvítri en einnig hefðbundinni blárri.  Einnig er mynd af bláklukku tekin á Kambfelli í Reyðarfirði sumarið 2021.
Á vef Lystigarðsins á Akureyri má lesa um bláklukku.

Veiðimenn, endilega sendið okkur grágæsavængi eða góðar myndir til að við getum greint ungahlutfall í stofninum.

26. ágúst 2021

Náttúrustofa Austurlands hóf í fyrra vöktun á íslenska grágæsastofninum samkvæmt samningi við Umhverfisstofnun. Verkefnið er til þriggja ára (2020-2022) og er unnið í samvinnu við Náttúrufræðistofnun Íslands. Sjá nánar um verkefnið hér.

Mikilvægur þáttur verkefnisins er að fylgjast með hlutfalli unga í veiði, m.a. til að fá betri upplýsingar um varpárangur og fjölda unga í stofninum. Við fengum ágæt viðbrögð í fyrra, einkum af norður- og austurlandi, en það væri frábært að fá vængi víðar af landinu. Því óskum við nú eftir því að veiðimenn takið þátt í þessu verkefni með okkur sendi okkur vængi eða góðar myndir af vængjum og heildarafla. Megin áhersla okkar er á grágæsavængi, en við tökum þakklát við öllum vængjum.

 Með vængjum eða myndum er mikilvægt að fylgi dagsetning og staðsetning veiða, eins nákvæm og veiðimenn vilja gefa upp. Fyllsta trúnaðar er gætt varðandi gögn sem veiðimenn skila inn.

Myndir má senda inn til na(hja)na.is eða í gegnum facebook síðu stofunnar. Annars vegar þarf nærmynd af væng tekið ofan frá fyrir hverja gæs (sjá mynd) auk myndar af heildarafla (hópmynd) eftir hverja veiðiferð þar sem kviður allra gæsanna vísa upp og sjást vel.

Staka vængi eða búkinn allan má senda til okkar með Landflutningum eða Eimskip merkta:
Náttúrustofu Austurlands
Tjarnarbraut 39b
700 Egilsstaðir
Náttúrustofan greiðir fyrir sendingakostnað.

Fyrstu niðurstöður gæsavöktunar voru birtar í fyrra og má nálgast skýrsluna hér. Gerð er grein fyrir vængjahlutföllum síðasta árs í skýrslu ársins í ár og svo koll af kolli, en þær eru settar fram samhliða niðurstöðum talninga á Bretlandi, sem ekki eru aðgengilegar fyrr.

Það komast ekki allir á leiðarenda - Við skorum á þig !

08. júlí 2021

smellið á myndina til að opna skjalið