Fengitími hafinn
Þann 18. september kannaði Náttúrustofan dreifingu hreindýra í Jökuldalsheiði með aðstoð Reimars Ásgeirssonar. Kíkt var af Skjöldólfsstaðahnjúk, Gestreiðarstaðaöxlum, Hnaus og Sænautafelli. Reiknað er með 400-500 dýr norðan Jökuldals. Í ferðinni fannst aðeins rúmur fimmtungur þess. Sýni var víða slæmt á hreindýr sem gæti skýrt að hluta hvað fá fundust en einnig er líklegt að einhverjir hópar hafi verið í eða utan Sandfells. Niðurstöður eru sýndar í eftirfarandi töflu.
| 18.sep.07 | 2 ára tarfur | 3- ára tarfur | x | samtals |
| v/Gestreiðarstaðakvísl | 1 | 1 | ||
| Heiðabrún upp af Grund | ca 50 | ca 50 | ||
| N í Sænautafelli | 4 | 9 | 13 | |
| NA Ánavatns | 26 | 26 | ||
| NV Sænautafells | 17 | 17 | ||
| NV Sænautafells | 6 | 6 | ||
| NV Sænautafells | 1 | 4 | 5 | |
| Lónakíll | 1 | 1 | ||
| samtals | 5 | 11 | ca 100 | ca 120 |
Stakir tarfar sáust svo og tarfahópur í Sænautafelli og greinilegt að þeir voru byrjaðir að leita að kúm til að gagnast. Reimar hafði tekið eftir fengitíma óróa í törfum um 10. september. Aldurs- og kynjahlutföll verða skoðuð á fengitíma sem víðast og munu fréttir af því birtast hér um miðjan október.
