Fréttir af Reyðarfjarðarhjörð.
Þann 12. maí var heilsað upp á Reyðarfjarðarhjörðina. 17 ungir tarfar voru innarlega á Eyvindardal. Þrátt fyrir nokkrar slóðir var ekkert dýr Vallamegin á Svínadal né á Tungudal. Þegar niður á Eskifjarðarheiði kom fór að bera mikið á slóðum og einkum í hlíðum vestan heiðarinnar og lágu þær t.d. upp í Hrævarsskörð og Öskju. Mikið var af slóðum út allan Hólmatind og greinilegt að hópar höfðu víða farið upp eða komið niður yfir fjöllin.
Nokkuð var einnig um slóðir á heiðinni sjálfri og yfir að Andranum. Fjórar stakar hyrndar kýr sáust með 1-4 daga gamla kálfa auk um 50 ungdýra og tarfa. Fimm heiðagæsir voru á Eskifjarðarheiði og ekki kæmi á óvart ef hún verpti þar. Hefur fundist á hreiðri utan í Hólmatindi.
Til viðbótar er vitað um 30 tarfa hóp utan Áreyja og síðan álvershópinn sem eru um 40 dýr, mest tarfar og ungviði en amk kosti tvær kelfdar kýr voru í hópnum þann 10. maí.
Myndir
1. Horft inn Eyvindardal, Tungudalur, Tungufell og Svínadalur.
2. Vallahluti Svínadals.
3. Horft út Tungudal.
4. Tungufell og Hrævarsskörð af Eskifjarðarheiði.
5. Ungir tarfar undir Öskjuhnjúk
6. Kýr og dagsgamall kálfur á Eskifjarðarheiði.
7. Ungur tarfur á Eskifjarðarheiði
8. Hólmatindur og Skot.
