Fengitíminn hafinn
Fengitími hreindýranna hefst upp úr miðjum september. Þá nusa tarfarnir upp kýrnar og eru á eilífum þönum eins og veturgamli tarfurinn sem fylgir hér með en hann var á hlaupum við þjóðveg á Fjarðarheiði. Á fengitíma er samsetning stofnsins könnuð. Í þeim tilgangi var flogið yfir Fjarðarheiði þann 23. september og hópur þar myndaður og fylgja niðurstöður og myndir af honum hér með. Litir í töflu visa til dýra á myndinni sem talið var af. Spurningarmerkið á myndinni er á fullorðnum tarfi sem er annað hvort kollóttur eða með afar undarlega hnífla. Reynt verður að skoða það nánar. Líklega eru veturgamlir tarfar vantaldir þar sem þeir líkjast kúnum.
Enn og aftur eru þeir sem rekast á hreindýrahópa, einkum næstu vikurnar hvattir til að láta Náttúrustofu Austurlands vita um þá.
| 23.sept. | ♀ | Kálfar |
V ♂ | 2 ♂ |
3- ♂ |
Samtals |
| Fjöldi | 111 | 84 | 6 | 9 | 43 | 253 |
Samkvæmt Skúla Sveinssyni Borgarstjóra eru þetta að hluta sömu dýrin og voru í Breiðuvík þann 14. ágúst. Þaðan fóru þau svo skammt ofan við bústað Björns Ingvarssonar og yfir á Skúmhattardal. Þaðan í Hraundal í Loðmundarfirði, Dragfell og síðan fréttist af þeim í Afréttarskarði Héraðsmeginn. Þann 15. september voru þau sunnan í Bjólfi. Um svipað leyti voru 40 tarfar tveggja ára og eldri í Stafdalnum en fyrr höfðu þeir verið í Skógarbotnum í Mjóafirði. Þessir tarfar voru nú komnir saman við hópinn svo og líklega 7 tarfar sem voru í Herjólfsvík og 4 sem voru á hlaupum í Loðmundarfirði í byrjun september.
