Vepja á flækingi í Norðfirði
Nokkur orð um vepju
Þessi vepja (Vanellus vanellus) sást inn á Hofi á Norðfirði þann 27.janúar s.l. Það var hún Dagný Ásta heimasæta á Hofi sem varð vör við fuglinn og tók myndir af honum.
Vepja er útbreiddur varpfugl um mest alla Evrópu þar sem hún verpir í ræktuðu landi, í votlendi og á lyngheiðum. Hann er flækingur á Íslandi og sést árlega. Vitað er um nokkra fugla sem heimsóttu Austurland heim sumarið 2008. Tegundin hefur orpið á Íslandi og á sjöunda áratug síðustu aldar sást vepja nokkur vor á Finnstaðanesi á Egilsstöðum. Bóndinn þar á bæ sá eitt sinn vepju með unga sem hlupu yfir veginn þegar hann var að keyra í hlað.
Á Íslandi var vepjan kölluð ísakráka á árum áður því oft varð vart við fuglinn þegar harðindi voru á útmánuðum.