Náttúrufræðinámskeið á Eskifirði
Dagana 23.-27. júní var haldið náttúrufræðinámskeið á Eskifirði.
Fyrir námskeiðinu standa Ferðaþjónustan Mjóeyri,
Ferðafélag fjarðarbyggðar og Náttúrustofa Austurlands.
Á námskeiðið mættu krakkar á aldrinum 6-10 ára sem gaman hafa
af allskonar náttúruskoðun.
Farið var í hella- plöntu-, fugla- og fjöruskoðun auk þess sem gerð var úttekt á vatnalífi í Víkurvatni. Áhuginn var mikill, ýmislegt var skráð til bókar og eða teiknað og sumu safnað og skoðað nánar undir víðsjá. Höfðu börn og kennarar hina mestu skemmtun af þessu námskeiði og verður það örugglega endurtekið að ári.
