Burðarkortlagning Snæfellshjarðar lokið í ár
Dagana 20. og 22. m
aí var leitað að hreinkúm og kálfum þeirra á burðarsvæðum Snæfellshjarðar. Þetta er liður í vöktun hreindýrastofnsins sem Náttúrustofa Austurlands hefur unnið fyrir Landsvirkjun frá vorinu 2005.
Í vetur hafa snjóalög á hálendi verið óvenju mikil á Austurlandi og hefur það áhrif á dreifingu hreinkúa á burðartíma. Í venjulegu árferði bera hreinkýr í Snæfellshjörð inn til heiða, á svæðum sem liggja hátt yfir sjó. Í vor voru þessi svæði víða undir samfelldri snjóhellu og kýr báru meira í heiðarbrúnum og fram í dalbotnum næst Snæfellsöræfum. Að öðru leiti virðast aðstæður hafa verið hreinkúm og kálfum þeirra hagstæðar.
Hreinkýr eru oftast fremur rýrar á þessum árstíma enda fer mikið af líkamsforða þeirra í vöxt fósturs og svo í mjólkurframleiðslu eftir að kálfarnir fæðast. Meðan gelddýr og tarfar halda sig þar sem nýgræðingur er mestur halda kelfdar kýr sig í meiri hæð þar sem gróður er lítið sem ekkert farinn af stað. Ef vorar seint geta þær horast hratt og skiptir máli að þær fari vel undirbúnar inn í veturinn og komi vel undan vetri. Svo virðist hafa verið í ár. Kýrnar líta vel út miðað við árstíma og burður var vel á veg kominn.
