Dagur hinna villtu blóma
Dagur hinna villtu blóma var haldinn á Íslandi og á hinum Norðurlöndunum sunnudaginn 17. júní. Þann dag gafst fólki víðs vegar um landið kostur á að fara í gönguferð um nágrenni sitt og fá leiðsögn um algengustu plöntur sem þar vaxa.
Í Neskaupstað var gönguferð um fólkvanginn. Það voru Erlín Emma Jóhannsdóttir og Gerður Guðmundsdóttir starfsmenn Náttúrustofu Austurlands sem voru með leiðsögn um plöntur sem þar vaxa. Í fólkvanginum er tegundafjölbreytni mikil og gróðurlendi víða gróskumikil. Einkennisjurtir Austfjarða, sjöstjarna, gullsteinbrjótur, maríuvöttur, og bláklukka vaxa þar ásamt ýmsum sjaldséðum tegundum.
Níu manns mættu í gönguferðina á blómadaginn og var veður gott en nokkuð svalt. Nánari upplýsingar um blómadaginn má finna á www.floraislands.is
Lyngbúi (Ajuga pyramidalis)
Sjaldgjæf planta á Íslandi sem aðeins finnst á austfjörðum.
Tags: blóm, blómadagurinn, plöntur, gróður