Starfsfólki Náttúrustofu Austurlands bárust upplýsingar um að það hafi sést Tjaldur utan við gamla Frystihúsið í Neskaupstað í gær þriðjudaginn 17.mars. Var Tjaldurinn einn á ferð. Ábendingar um farfuglana eru vel þegnar og má senda upplýsingar á This email address is being protected from spambots. You need JavaScript enabled to view it.
Nokkrar ábendingar hafa komið inn á borð starfsfólks NA um að Haförn hafi sést við snjóflóðavarnargarðana í Neskaupstað síðastliðna helgi og einhverjar myndir náðust af fuglinum.
Kristín Ágústsdóttir fór af stað en fuglinn var þá á bak og burt. Eftir að hafa skoðað myndir sem náðust af fuglinum kom í ljós að örninn var nokkuð fálkalegur ásýndar og staðfesti Skarphéðinn G.Þórisson að þarna var á ferðinni fálki.
Þess má einnig geta að fyrir rúmri viku síðan fékk starfsfólk NA ábendingu frá Eskifirði um stóran ránfugl í botni Eskifjarðar. Ekki náðust þó myndir af þeim fugli.
Starfsfólk NA hvetur fólk til að hafa samband sjái það sjaldgæfa fugla á ferð og myndir eru líka vel þegnar.
This email address is being protected from spambots. You need JavaScript enabled to view it.
Opnir dagar voru haldnir í Verkmenntaskóla Austurlands í vikunni. Nokkrir nemendur völdu að koma á Náttúrustofu Austurlands í hálfan dag í kynningu á starfssemi stofunnar.
Hópnum var kynnt almenn starfsemi stofunnar og hvað náttúrufræðingar gera. Þau fengu síðan að spreyta sig á nokkrum smáverkefnum eins og að aldursgreina hreindýrakjálka, teikna inn á gróðurkort, kíkja í vefsjá, líta eftir snjóflóðamælistikum í fjallinu með scopi og í lokin var farið á Náttúrugripasafnið þar sem þau spreyttu sig á vísbendingaspurningum um fugla.
Starfsfólk Náttúrustofu Austurlands þakkar fyrir heimsóknina.
Fræðsluerindi Náttúrustofanna fimmtudaginn 26.febrúar 2009
Rannsóknaþing Austurlands 2009 verður haldið að Skriðuklaustri laugardaginn 14. febrúar.
Dagskrá:
Kl. 11:00 Fornleifar á Skriðuklaustri. Steinunn Kristjánsdóttir
Kl. 11:25 Ameríski draumurinn - Hugmyndir Fjórðungsþings Austfirðinga og Fjórðungssambands Norðlendinga um breytta stjórnskipun á Íslandi. Smári Geirsson
Kl. 11:50 Fjölmiðlun og austfirskt samfélag um aldamótin 1900. Hrafnkell Lárusson
Kl. 12:15 - 13:00 matur
Kl. 13:00 Frost eða Funi? Forsendur vöktunar á áhrifum Vatnajökulsþjóðgarðs. Þorvarður Árnason.
Kl. 13:25 Hin ýmsu gervi Þórbergs Þórðarsonar. Soffía Auður Birgisdóttir.
Kl. 13:55 Framfarasýn í sjávarútvegi: Konur og blikkbeljur á Austurlandi. Anna Karlsdóttir.
Kl. 14:20 Fjallkirkjan og Fljótsdalurinn. Tengsl ævisögu og sjálfsævisögu í verkum Gunnars Gunnarssonar. Jón Yngvi Jóhannsson
Kl. 14:45 - 15:10 kaffi
Kl. 15:10 - 17:00 Hugmyndir um samtök fræðimanna á Austurlandi, umræðufundur.
Framsöguerindi:
Íslenska akademían. Viðar Hreinsson ReykjavíkurAkademíunni
Vestfjarða-akademían. Þorleifur Ágústsson
AkureyrarAkademían. Þóra Pétursdóttir
Rannsóknatorg Austurlands og Austurlands-akademía. Kynning á hugmyndum. Stefanía Kristinsdóttir og Guðrún Jónsdóttir.
Umræður milli kynninga og í lokin.
Allir velkomnir.
Nokkur orð um vepju
Þessi vepja (Vanellus vanellus) sást inn á Hofi á Norðfirði þann 27.janúar s.l. Það var hún Dagný Ásta heimasæta á Hofi sem varð vör við fuglinn og tók myndir af honum.