Þann 25. mars 2016 kom ungur fálki um borð í Gullverið NS12 frá Seyðisfirði um 45 sjómílur (90 km) austur af Hvalnesi. Skipverjar buðu honum upp á ýmislegt góðgæti, m.a. gulllax og þorsk sem fuglinn át af bestu list. Gunnlaugur Hafsteinsson hafði samband við fálkasérfræðing á Náttúrufræðistofnun Íslands sem lagði mat á fuglinn. Daginn eftir virtist nokkuð dregið af fálkanum og hann handsamaður og settur í kassa þar sem hann hvíldist í nokkrar stundir. Hann var svo fluttur í Egilsstaði endurnærður þar sem hann var myndaður í krók og kring (sjá meðfylgjandi myndir; Gunnlaugur Hafsteinsson og Skarphéðinn G. Þórisson). Fálkinn fékk stálmerki á fót áður en honum var sleppt frjálsum út í lífið.
Náttúrustofa Austurlands hefur unnið að rannsóknum á hreindýrum á Snæfellsöræfum í tengslum við framkvæmdir og rekstur Kárahnjúkavirkjunar sl. áratug. Helstu niðurstöður þeirra rannsókna voru kynntar á opnum kynningarfundi í Valaskjálf á Egilsstöðum þann 4. mars sl.
Skarphéðinn Þórisson fjallað m.a. um stöðu Snæfellshjarðar og samhengið við hreindýrastofninni í heild sinni, auk þess sýndi hann niðurstöður rannsókna á átta hreinkúm sem gengu með GPS tæki á árunum 2009-2011.
Rán Þórarinsdóttir fjallaði um burðarsvæði Snæfellshjarðar á árunum 2005-2013 og hvort og þá hvernig greina hefði mátt áhrif framkvæmda á dreifingu og fjölda burðarkúa á svæðinu.
Föstudagur 4.mars kl 15:30 í Hótel Valaskjálf á Egilsstöðum. Opinn fundur og allir velkomnir.
Landsvirkjun efnir til fundar þar sem kynntar verða niðurstöður vöktunar og rannsókna á hreindýrastofninum á starfstíma Kárahnjúkavirkjunar. Á næsta ári hafa rannsóknir staðið yfir í áratug eftir að virkjunin tók til starfa og nú þarf að ákveða hvort og með hvaða hætti áframhaldandi vöktun fer fram. Á myndinni hér fyrir neðan má sjá dagskrá fundarins.
Á öskudaginn heimsóttu okkar allskonar furðuverur sungu fyrir okkur. Hér fylgja með nokkrar myndir af þeim en inn á milli má sjá starfsfólkið með ýmiskonar skemmtileg höfuðföt í tilefni dagsins.
Gráhegrar hafa sést af og til á Norðfirði að vetri til í mörg ár og er yfirstandandi vetur þar engin undantekning. Tveir hegrar hafa haldið sig nærri flugvellinum í nágrenni Síldarvinnslunnar í Neskaupstað síðan í janúar. Kristín Hávarðsdóttir hafði fylgst með fuglunum um tíma og þótti þeir vesældarlegir, annar þeirra hvarf um tíma. Hún aflaði sér upplýsinga um hegra hjá Jóhanni Óla Hilmarssyni hjá Fuglaverndarfélagi Íslands og velti fyrir sér hvort hægt væri að fóðra þá. Það er engin hefð fyrir því á íslandi að fóðra hegra en þeir halda sig gjarnan þar sem fisks er að vænta. Jóhann Óli stakk upp á því að hún bæri út smáan fisk til dæmis loðnu, „ Ég hélt t.d. að annar væri dauður, hafði ekki séð hann í eina 10 daga og var viss um að hann hefði bara drepist í einhverju rokinu, svo ég fór og þýddi ýsu, skar í lengjur á stærð við loðnu og henti útí pollinn sem þeir stóðu svo oft við og morguninn eftir, þá stóðu þeir báðir og átu „ sagði Kristín. Hegrarnir hafa gert sér gott af fiskinum og virðast braggast vel. Hún gefur þeim í poll á leirunni en Kristín sagði jafnframt „Krumminn er að vísu kominn á bragðið, og hreinsaði upp þær loðnur sem fóru á ísinn, en lét alveg vera það sem var í vatninu“ Hegrar eru ekki varpfuglar á Íslandi, en eru nokkuð algengir gestir að vetri. Merktir fuglar sem hafa fundist á Íslandi hafa verið merktir í Noregi.
Haustið 2015 Gráhegrar í Fellabæ, ljósmynd Skarphéðinn G. Þórisson
Haustið 2015 Gráhegrar í Fellabæ, ljósmynd Skarphéðinn G. Þórisson
9.febrúar 2016 Gráhegrar í Neskaupstað, ljósmynd Kristín Hávarðsdóttir
27.janúar 2016 Gráhegrar í Neskaupstað, ljósmynd Kristín Hávarðsdóttir
30.janúar 2016 Gráhegrar í Neskaupstað, ljósmynd Daði Benediktsson
30.janúar 2016 Gráhegrar í Neskaupstað, ljósmynd Daði Benediktsson
Við þökkum ábendingar frá ykkur og minnum á að það má alltaf senda á netfangið okkar na hjá na.is eða heyra í okkur í síma 4771774
Náttúrustofa Austurlands óskar öllum samstarfsmönnum, velunnurum og sveitungum gleðilegs nýs árs og þakkar fyrir það liðna.
Árið 2015 var viðburðaríkt og annasamt hjá Náttúrustofunni. Meðal árlegra verkefna starfsmanna Náttúrustofunnar var umhverfisvöktun í Reyðarfirði, fiðrildavöktun á þremur stöðum á Austurlandi í samstarfi við aðrar stofnanir, vöktun hreindýrastofnsins, fuglarannsóknir, ráðgjöf vegna friðlýstra svæða í Fjarðabyggð og náttúrufræðinámskeið fyrir börn í samvinnu við ferðaþjónustuna Mjóeyri.
Starfsmenn Náttúrustofunnar tóku þátt fjölmörgum verkefnum í samstarfi við félagasamtök og stofnanir víða um landið. Meðal þeirra verkefna voru fuglaskoðun í Neskaupstað og á Reyðarfirði í samvinnu við Ferðafélag fjarðamanna, Dagur hinna villtu blóma í samstarfi við Flóruvini, Tæknidagur fjölskyldunnar í Neskaupstað sem haldinn er af Verkmenntaskóla Austurlands og ráðgjöf við uppsetningu sýningar á hreindýrum á Minjasafni Austurlands Þá fóru fjórir starfsmenn í nokkurra daga gróðurrannsókn á Kringilsárrana, gerðar voru gróður- og fuglarannsóknir í fjallshlíðinni ofan Neskaupstaðar, botndýra-, fugla- og seiðarannsóknir í Viðfirði og í ágúst fóru tveir starfsmenn Náttúrustofunnar á hreindýraráðstefnu í Noregi þar sem stofnað var til samstarfs við norska vísindamenn til að rannsaka gróður á vetrarbeitarsvæðum hreindýra.
Í haust hófst svo undirbúningur á gerð nýrrar vefsíðu Náttúrustofu Austurlands og erum við stolt að birta hana hér. Tveir nýir starfsmenn bættust við hópinn, Guðrún Óskarsdóttir og Elín Guðmundsdóttir náttúrufræðingar. Þær sinna aðallega gróðurrannsóknum, umhverfisvöktun á Reyðarfirði og öðrum tilfallandi verkefnum. Jón Ágúst Jónsson forstöðumaður Náttúrustofunnar lét af störfum í júní sl. eftir sjö ára starf. Kristín Ágústsdóttir M.S. landfræðingur og starfsmaður Náttúrustofu Austurlands til 17 ára tók við stöðu forstöðumanns.
Árið 2016 lítur út fyrir að verða álíka viðburðaríkt. Hin árlegu vöktunarverkefni eru á sínum stað auk þess sem ýmis ný verkefni eru í farvatninu.
Við hlökkum til að eiga samleið með ykkur á nýrri síðu á nýju ári. Starfsfólk Náttúrustofu Austurlands
Þann 25. mars 2016 kom ungur fálki um borð í Gullverið NS12 frá Seyðisfirði um 45 sjómílur (90 km) austur af Hvalnesi. Skipverjar buðu honum upp á ýmislegt góðgæti, m.a. gulllax og þorsk sem fuglinn át af bestu list. Gunnlaugur Hafsteinsson hafði samband við fálkasérfræðing á Náttúrufræðistofnun Íslands sem lagði mat á fuglinn. Daginn eftir virtist nokkuð dregið af fálkanum og hann handsamaður og settur í kassa þar sem hann hvíldist í nokkrar stundir. Hann var svo fluttur í Egilsstaði endurnærður þar sem hann var myndaður í krók og kring (sjá meðfylgjandi myndir; Gunnlaugur Hafsteinsson og Skarphéðinn G. Þórisson). Fálkinn fékk stálmerki á fót áður en honum var sleppt frjálsum út í lífið.
-8d50594478.jpg)
-8cd9dfdb5f.jpg)
-d4c0ca424d.jpg)
-d024becd8b.jpg)
Á öskudaginn heimsóttu okkar allskonar furðuverur sungu fyrir okkur. Hér fylgja með nokkrar myndir af þeim en inn á milli má sjá starfsfólkið með ýmiskonar skemmtileg höfuðföt í tilefni dagsins.
Gráhegrar hafa sést af og til á Norðfirði að vetri til í mörg ár og er yfirstandandi vetur þar engin undantekning. Tveir hegrar hafa haldið sig nærri flugvellinum í nágrenni Síldarvinnslunnar í Neskaupstað síðan í janúar. Kristín Hávarðsdóttir hafði fylgst með fuglunum um tíma og þótti þeir vesældarlegir, annar þeirra hvarf um tíma. Hún aflaði sér upplýsinga um hegra hjá Jóhanni Óla Hilmarssyni hjá Fuglaverndarfélagi Íslands og velti fyrir sér hvort hægt væri að fóðra þá. Það er engin hefð fyrir því á íslandi að fóðra hegra en þeir halda sig gjarnan þar sem fisks er að vænta. Jóhann Óli stakk upp á því að hún bæri út smáan fisk til dæmis loðnu, „ Ég hélt t.d. að annar væri dauður, hafði ekki séð hann í eina 10 daga og var viss um að hann hefði bara drepist í einhverju rokinu, svo ég fór og þýddi ýsu, skar í lengjur á stærð við loðnu og henti útí pollinn sem þeir stóðu svo oft við og morguninn eftir, þá stóðu þeir báðir og átu „ sagði Kristín. Hegrarnir hafa gert sér gott af fiskinum og virðast braggast vel. Hún gefur þeim í poll á leirunni en Kristín sagði jafnframt „Krumminn er að vísu kominn á bragðið, og hreinsaði upp þær loðnur sem fóru á ísinn, en lét alveg vera það sem var í vatninu“
Náttúrustofa Austurlands óskar öllum 
