Aðeins örfá tjaldspör hafa verpt á Héraði undanfarna áratugi. Nú eru teikn á lofti um að þeim sé að fjölga. Áhyggjur vekja par sem verpti nálægt þjóðvegi á Egilsstaðanesi í fyrra og missti báða sína unga fyrir bíla og er nú aftur mætt á sömu slóðir.
Náttúrustofa Austurlands er að fara af stað með fiðrildavöktun á þremur stöðum á Austurlandi, Hallormsstað, Jökuldal og í Neskaupstað. Fiðrildin eru veidd í svo kallaða Ryrholm gildrur og þarf að tæma þær á viku fresti.
Starfsmenn Skógræktar ríkisins sjá um gildruna á Hallormsstað en þau hjónin Páll Benediktsson og Gréta Þórðardóttir bændur á Hákonarstöðum sjá um gildruna á Jökuldal . Starfsmenn NA sjá síðan um gildruna í Neskaupstað.
Verkefnið er unnið í samvinnu við Náttúrufræðistofnun Íslands http://www.ni.is og er partur af norrænu vöktunarverkefni Moth Monitoring Scheme, en það er verkefni sem nær til Norðurlandanna, Eystrarsaltsríkjanna og NV-Rússlands. Markmið verkefnisins er að nota fiðrildi sem vísihóp til vöktunar á umhverfinu. Á vef Náttúrufræðistofnunnar Íslands má lesa nánar um fiðrildavöktun á íslandi sjá hér
Seinni part vetrar sjást hreintarfar oft nálægt byggð og hanga jafnvel
þar langt fram á sumar. Á myndinni eru fjórir fullorðnir tarfar,
líklega frekar ungir þar sem hníflar þeirra eru frekar litlir.
Rígfullorðnir tarfar fella hornin fyrir jól en þeir yngri seinna. Sést
hefur til slíkra á Héraði fyrir nokkru með yfir 20 cm langa hnífla. Með törfunum eru þrír kálfar en kýrnar venja þá af sér í vetrarlok áður en þær leita á hefðbundin burðarsvæði en ekki er ólíklegt að þessir kálfar séu fæddir í Sandvík.
Náttúrustofan fagnar öllum upplýsingum um hreindýr hvar og hvenær sem
sést til þeirra og ekki er verra ef mynd fylgir með.
Fræðsluerindi Náttúrustofanna er fimmtudaginn 25.mars næstkomandi og er erindið þennan mánuðinn í höndum Náttúrustofu Vestfjarða.
Guðbjörg Ásta Ólafsdóttir líffræðingur á Rannsóknasetri Háskóla Íslands á Vestfjörðum flytur erindi sitt "Uppeldisstöðvar þorskseiða"
Sjá nánari upplýsingar um hvar má sjá og heyra erindið með því að smella á myndina hér til hliðar.
Málþing um hreindýr á Vetrarhátíð Ríki Vatnajökuls
í Nýheimum á Höfn í Hornafirði
Miðvikudaginn 31.mars 2010, (daginn fyrir Skírdag)
Tjaldurinn sást í Mjóafirði 5.mars síðastliðinn.
Starfsfólk Náttúrustofu Austurlands hvetur ykkur austfirðingar góðir til þess að senda okkur línu þegar þið sjáið
vorboðana koma í ykkar heima haga. netfangið er na(hjá)na.is