Í frétt 29. Júní var sagt frá Öxu en ekkert hefur heyrst í henni síðan. Hins vegar berast stöðugar fréttir frá hinum fjórum.
Ána gekk í Kringilsárrana út júní en ákvað 6. júlí að skreppa norður á Háumýrar og verður gaman að sjá hvort hún skilar sér aftur í Ranann eða fer út á Jökuldalsheiði.
Hlíðarenda og Ranga halda tryggð við Kringilsárranann. Reyndar höfðu Ána og Hlíðarenda lengi fylgst að áður en leiðir skildu þann 6. júlí.
Áður en skáli Ferðafélags Fljótsdalshéraðs í Breiðuvík var opnaður í sumar sáu menn að útivaskur og verönd voru útdrituð. Kom í ljós að hrafn hafði séð sjálfan sig í spegli ofan við vask og lagt þegar til atlögu svo stórsá á krossviðnum við spegilinn og sögðu menn að einnig hefði sést blóð á speglinum. Rifjaðist upp að fyrir nokkrum árum fannst dauður hrafn við bensíndælur upp á Hallormsstað en sést hafði til hrafnsins berjast lengi við sjálfsmynd sína. Snjallir Borgfirðingar komu fyrir hugvitlegri hrafnavörn við vaskinn eins og sést á myndinni.
Hreinkýr var merkt á Öxi 21. mars 2010 og hlaut nafnið Axa. Stuttu eftir merkinginu hætti hún að senda staðsetningar en dúkkaði upp um daginn og er byrjuð að senda. Á meðfylgjandi myndum sést hvar hún hefur haldið sig. Hún þvældist um Skriðdalinn og síðan Fossárdalinn í apríl en hélt síðan í Hamarsdalsdrög í maí og hefur líklega borið þar.
Þann 21. júní var leitað að Grímu á Vesturöræfum sem fannst ekki en hins vegar dúkkaði Hnefla þar upp. Hnefla var merkt í Hneflinum gengt Skjöldólfsstöðum á Jökuldal þann 21. mars 2009 eftir langan eltingarleik en hún ætlaði seint að sofna. Hún var vel fullorðin eins og sást á framtönnum hennar. Um vorið fór hún inn að Jökulkvísl á Vesturöræfum en er leið á sumarið hélt hún í austur og var á fengitíma upp af Hamarsdal.
Opnir fyrirlestrar á vegum Skálanesseturs
Fimmtudaginn 24.júní frá kl 14:00 - 17:00
Skálanesi, Seyðisfirði
Sjá nánari auglýsingu með því að smella hér
Dagur hinna viltu blóma eða blómadagurinn eins og hann er oft kallaður var sunnudaginn 14.júní síðastliðinn farið var í skipulagðar skoðanaferðir á þrem stöðum á austurlandi.