Fugladagurinn 2014
Hinn árlegi fugladagur sem Náttúrustofa Austurlands og Ferðafélag Fjarðarmanna standa fyrir, fór fram á Norðfirði og á Reyðarfirði 3. maí 2014.
Hrafnavarp
Hrafnapar var heimsótt á Héraði sunnudaginn 4. maí. Það hafði byggt upp fallegan laup úr sprekum fóðraðan með ull. Hann hafði verpt fimm eggjum og var einn ungi nýskriðinn úr eggi og annar á leiðinni.
Fugladagurinn 3.maí 2014
Hinn árlegi fugladagur verður á leirum Norðfjarðar og Reyðarfjarðar n.k. laugardag 3. maí 2014 á vegum Náttúrustofu Austurlands og Ferðafélags Fjarðarmanna.
Þar veður fuglaskoðurum leiðbeint um svæðin og er mæting við leiruna í Norðfirði kl 9:00 og við andapollinn á Reyðarfirði kl 10:00.
Lifandi leðurblaka á Reyðarfirði
Lifandi leðurblaka barst til Reyðarfjarðar með skipi í gærkvöldi. Það voru starfsmenn Eimskips á Mjóeyrarhöfn sem handsömuðu dýrið, en skipið var að koma frá Rotterdam.Leðurblakan hefur verið gefin til Náttúrugripasafnsins í Neskaupstað til varðveislu. Hún verður svæfð og stoppuð upp og mun í fyllingu tímans verða til sýnis á Safninu. Enn sem komið er hefur hún ekki verið greind til tegundar, en leðurblökuspámenn telja líkur á því að um sé að ræða evrópska leðurblöku, hugsanlega svokallaða trítilblöku (Pipistrellus nathusii). Sú tegund hefur fundist hér á landi nokkru sinnum, en aðalheimkynni hennar eru austanverð Evrópa.
Heiðagæsir á leið til landsins
Í meðfylgjandi frétt má sjá upplýsingar um komu heiðagæsa til landsins. Smellið hér.
Merktar ritur í Hafnarhólma
Náttúrustofa Norðausturlands merkti ritur í Hafnarhólma sumarið 2009. Við litmerkið sem fuglinn fékk um fótinn var festur svokallaður dagriti. Sumarið eftir voru þær endurveiddar og 13 dægurritar teknar af þeim og afgangurinn 7 stykki náðust 2011.