Þessi brandugla Asio flammea varð á vegi starfsmanns Náttúrustofu Austurlands um helgna í Norðurdal í Breiðdal, brandugla hefur sést af og til á þessum slóðum í vetur en ekki náðst á mynd fyrr en nú.Starfsfólk Náttúrustofu tekur fagnandi við myndum og upplýsingum sem þessum,á netfangið na[@] na.is
Þann 20.-21. maí sl. fór hópur fólks á vegum Náttúrustofu Austurlands í Sandvík. Tilgangur ferðarinnar var að telja fjölda hreindýra og kanna hversu margar kýr voru bornar. Vonir stóðu til að jafnframt yrði unnt að merkja einhverja hreindýrakálfa svo fylgjast megi með ferðum þeirra í framtíðinni.
Í Sandvík sáust alls 30 hreindýr, 22 fullorðin dýr og 8 kálfar. Þrír kálfar voru merktir. Eftir dvölina í víkinni var gengið yfir í Viðfjörð og þar sáust 36 hreindýr. Með í för að þessu sinni voru Sævar Guðjónsson, Anton Berg Sævarsson, Jón Á. Jónsson, Elín Guðmundsdóttir, Guðrún Óskarsdóttir, Sigurður Daði Friðriksson, Snorri Styrkársson og Pétur Sörensen. Grétar Örn Sigfinnsson og Páll Freysteinsson skutluðu hópnum í Sandvík á bátnum Mími.
Þann 10. maí hei
msótti náttúrustofan mandarínönd á Borgarfirði eystri. Skúli Sveinsson lét vita af henni en hún hélt sig í og við fjöruna í og við Bræðsluna. Þetta er skrautlegur steggur að öllum líkindum ættaður úr andagarði á Bretlandseyjum eins og t.d. svartsvanirnir sem hafa heimsótt okkur í vor en einn leit við á Borgarfirði um daginn.
Á https://notendur.hi.is//~yannk/status_aixgal.html má finna upplýsingar um heimsóknir mandarínanda til 2006. Þar sést að sú fyrsta sást 1988 og koma þær eingöngu á vorin og sjást fram í miðjan júní. Á síðunni er einn fugl sýndur á Seyðisfirði en tveir á Egilsstöðum, þar voru á ferðinni tveir innilegir steggir í maí 2006.
Síðdegis laugardaginn 16.maí heimsótti hnúfubakur Norðfirðinga. Fjöldi fólks kom till að berja hann augum var hann mjög sýnilegur og gaman að fylgjast með honum og lífinu í firðinum greinilega mikið um átu og fisk og fuglalífið eftir því.
Skúli Sveinsson hafði samband við Náttúrustofuna 14. maí og lét vita af kampsel sem lá í þarahrönninni í höfninni á Bakkagerði. Selurinn var heimsóttur og myndaður í bak og fyrir. Hann var afskaplega spakur eins og kampselir eru oftast en hugsanlega gæti það þó bent til þess að hann væri ekki í fullu fjör. Borgfirðingar sáu 10-15cm skurð á baki hans sem sést ekki á meðfylgandi myndum. Sjá fréttina í heild sinni hér
Burður hafinn: Kýr bar á Hvolsmónum inn af Bakkagerði þann 8. maí (Skúli Sveinsson), afkvæmi og móður heilsaðist vel þegar þau voru heimsótt þann 10. maí. Sveinn Ingimarsson símar 9. maí og segir frá kýr og nýbornum kálfi stutt austan við Vopnafjarðarvegamót í Jökuldalsheiði þá um morguninn. Með henni voru nokkrir tugir kúa. Um mánaðarmótin sá hann 20-30 kýr á Snæfellsnesi við Eyjabakka.