Útskýring á hreindýratalningum á vísindavefnum

15. september 2015

Útskýringar á hreindýratalningum

Vinalegir trjágeitungar

15. september 2015

Fyrstu trjágeitungsbúin á Íslandi fundust m.a. á Neskaupstað 1982. Margir óttast þessa iðjusömu nýbúa en þó eru til undantekningar á því. Á Egilsstöðum búa Þórhallur Þorsteinsson og Dagný Pálsdóttir en í garði þeirra voru a.m.k. tvö trjágeitungsbú í sumar, annað undir sólpalli og hitt í gróðurhúsi. Gagnkvæm virðing ríkir í þessu sambýli og segir Þórhallur að hann hafi mikið yndi af því að fylgjast með þessum vinum sínum sem aldrei hafa svo mikið sem reynt að stinga hann.

Lesa meira

Dagur íslenskrar náttúru

11. september 2015

Dagur íslenskrar náttúru er þann 16. september n.k.

Náttúrustofa Austurlands ætlar af því tilefni að efna til

ljós - og/eða hreyfimyndasamkeppni.

Leikreglur eru eftirfarandi:

1. Myndir þarf að taka 14. til 18. september 2015.
2. Myndir þarf að merkja myllumerkjunum #dinna15 og #nattaust, á Facebook eða Instagram eða senda á This email address is being protected from spambots. You need JavaScript enabled to view it.
3. Myndum þarf að skila í síðasta lagi á miðnætti 18. september.
4. Hver þátttakandi (einstaklingur eða hópur) má að hámarki senda inn 5 myndir.
5. Ef myndir sýna fólk þarf að liggja fyrir samþykki viðkomandi um að birta megi mynd á vefmiðlum og/eða í útprentuðu efni á vegum Náttúrustofunnar.

Verðlaun eru veitt fyrir bestu myndina m.t.t. tengingar við íslenska náttúru, myndbyggingar, fegurðar og frumleika. Vinningsmyndin mun prýða forsíðu ársskýrslu Náttúrustofunnar.

Við hvetjum skóla á Austurlandi til taka þátt og  færa skólastofuna út í íslenska náttúru þessa viku.

Bestu kveðjur frá starfsfólk Náttúrustofu Austurlands

Málþing með áherslu á silfurberg & opnun sýningar um silfurberg

26. ágúst 2015

Málþing með áherslu á silfurberg & opnun sýningar um Silfurberg,
Symposium and exhibition on Iceland spar. Sjá dagskrá
Laugardaginn 29 ágúst 2015 í Gamla Kaupfélaginu (Breiðdalssetri),
Breiðdalsvík, ásamt ferð í Helgustaðanámu við Reyðarfjörð.

Farið í Kringilsárrana

15. ágúst 2015

Dagana 7.-8. ágúst fóru starfsmenn Náttúrustofu Austurlands í ferð upp í Kringilsárrana. Sú ferð var liður í verkefni sem Náttúrustofan vinnur að beiðni Landsvirkjunar

og felur í sér vöktun mögulegra breytinga á gróðri sem kunna að verða í Kringilsárrana, á Vesturöræfum og Fljótsdalsheiði í kjölfar myndunar Hálslóns.

Farið var í fyrstu ferðina upp í Kringilsárrana í þessum tilgangi sumarið 2006, áður en lónið var fyllt og ferðin sem farin var í ár var sú næsta í röðinni.

Lesa meira

Hugleiðingar um heiðagæsir og hreindýr eftir ferð Náttúrustofu Austurlands í Kringilsárrana 7. og 8. ágúst 2015.

12. ágúst 2015

Heiðagæsir voru taldar á Snæfellsöræfum 17. júlí 2015. Þegar niðurstöður eru skoðaðar fyrir Hálslón og Kringilsár- og Sauðárrana sést að þar finnst nú aðeins 57% af fullorðnum fuglum miðað við talninguna 2014. Nánari umfjöllun um þetta og meira til má sjá hér.

Lesa meira