Nú hafa verið uppfærðar upplýsingar um hreindýr á vegum hættuleg svæði sjá hlekkinn hér til hægri " Hreindýr á vegum hættuleg svæði " Einnig hafa verið settar inn nýjar skýrslur á vefinn undir hlekkinn útgefið efni.
Annarsvegar er það skýrslan Áhrif gruggs á vatnalífríki Glúmsstaðadalsár og Hrafnkelsár. Niðurstöður vöktunar 2012. Neskaupstaður maí 2013 og hinsvegar
Kárahnjúkavirkjun. Fallryksmælingar við Hálslón, á Brúaröræfum og í byggð á Fljótsdalshéraði sumarið 2012.
Árlegur fugladagur var haldinn á fjörðunum 12. maí 2013. Náttúrustofa Austurlands og Ferðafélag Fjarðamanna standa fyrir þessum degi í maí á hverju ári á Norðfirði og í Reyðarfirði. Náttúrustofan mætir með fjarsjá þar sem sjá má fugla í meira návígi. Flestir mæta sjálfir með kíkja og allir hjálpast að við að greina þá fugla sem sjást. Ungir sem aldnir, óvanir áhugamenn jafnt sem glúrnir fuglagrúskarar spyrja og deila fróðleik um einkenni og atferli hinna og þessara tegunda. Enginn fugl þykir of ómerkilegur til að ræða þótt skoðanir á þeim séu ólíkar.
Árlegur fugladagur verður Laugardaginn 11. maí. Fuglatalning og fuglaskoðun á leirum Reyðarfjarðar og Norðfjarðar
Samvinnuferð Ferðafélags fjarðamanna og Náttúrustofu Austurlands. Sérfræðingar Náttúrustofu stjórna talningu og koma með „fuglaskóp“ fyrir þátttakendur.
Mæting á háfjöru kl. 9 á Norðfirði við leiruna og kl. 9 á Reyðarfirði við andapollinn.
Náttúrustofunni barst eftirfarandi tölvupóstur frá Sigurði Ragnarssyni á Akurnesi í Nesjum 18. apríl 2013:
“Mér datt því í hug að senda þér myndir af hreindýri sem ég rakst á á Tindi Ketillaugarfjalls í um 600 m hæð, um klukkan 20:00 í gær. Þetta er mjög sérstakt og ég hef aldrei rekist á neitt dýr á þessum tindi nema fugla (og alls ekki í apríl). Hreindýrið stendur á eystri hluta tindsins, sem er klofinn frá þeim vestari með klettaskorum. Töluvert klettaklöngur er að komast upp á eystri tindinn og spurning hvort að dýrið hafi lent þarna upp þegar fannir voru yfir mestu klettahöftunum, og síðan ekki komist til baka. En mér finnst líklegt að það sé í hálfgerðri sjálfheldu þarna. Þegar dýrið varð vart við mig fór það í skjól sunnan í tindinn og stóð þar ofan við klettana eins og sést á myndunum”
Á meðfylgjandi myndbandi má sjá einstakt myndband af silkitoppum í æti. Myndbandið er tekið á Egilsstöðum nú í apríl. smellið hér.
Þessi litfagr
i spörfugl tilheyrir ættkvísl silkitoppa. Tegundin verpur í barrskógum Norður-Evrópu, Asíu og vesturhluta Norður-Ameríku. Mismikill fjöldi þessara fugla leggst í far suður og suðvestur á bóginn á haustin og sjást þá m.a. stundum á Íslandi.
Á veturna éta þessir fuglar helst ávexti og ber og eru ekki óalgengir gestir í görðum Íslendinga frá október og fram í apríl. Sumarið 2011 var í fyrsta sinn staðfest varp silkitoppu í Mývatnssveit en óvenjulegt er að sjá þennan fugl hérlendis að sumarlagi.