Nemendur í 2.bekk Nesskóla komu á safnið í vikunni til að skoða fiska og vinna verkefni tengt þeim en þau eru að læra um þá þessa dagana. Síðan var farið út og þorskur og rauðmagi skoðaðir nánar. Myndin segir það sem segja þarf eins og þið sjáið á svip barnanna.
Nemendur í 1. bekk Nesskóla kíktu á Náttúrusafnið í liðinni viku til að
skoða vel hrafninn sem þau eru að læra um í skólanum. Auðvitað notuðu þau
tækifærið og skoðuðu safnið hátt og lágt. Engir almennir opnunartímar eru
á safninu yfir vetrartímann, en opið er eftir samkomulagi við
umsjónarmann. Skólar á Austurlandi eru hvattir til að nýta sér þetta
glæsilega safn. Umsjónarmaður er Erlín Jóhannsdóttir starfsmaður
Náttúrustofu Austurlands
Náttúrustofa Austurlands kannaði fugladauða í kjölfar tilkynningar Arnars Þorleifssonar um sjórekna fugla á Héraðssandi í febrúar 2008. Tilgangur skoðunar var þríþættur; að meta hvort um óvenju mikinn fugladauða væri að ræða, hvort greina mætti dánarorsök og hvaða tegundir áttu í hlut.
Fræðsludagur um náttúrufar Skagafjarðar verður haldinn á Sauðárkróki á vegum Náttúrustofu Norðurlands vestra laugardaginn 12. apríl næstkomandi.
Guðmundur Guðlaugsson sveitarstjóri Skagafjarðar mun setja fræðsludaginn og Þórunn Sveinbjarnardóttir umhverfisráðherra mun að því loknu flytja gestum ávarp. Í kjölfarið hefst fyrirlestraröð sem mun standa yfir daginn. Þar verður komið víða við á ýmsum sviðum er lúta að náttúrufari Skagafjarðarhéraðs.
Nánari upplýsingar má sjá í meðfylgjandi auglýsingu og á heimasíðu Náttúrustofu Norðurlands vestra
Árlega á útmánuðum er stór hópur æðarfugls utan við höfnina í Neskaupstað og er áætlað að þar séu 5-10.000 fuglar. Hann var skoðaður lauslega 21. mars síðast liðinn og sást í honum einn fullorðinn æðarkóngur. Gaman væri að hitta á hann í varpi í sumar.
Fimmtudaginn 27.mars kl 12:15 - 12:45 flytur Hafdís Sturlaugsdóttir, landnýtingafræðingur á Náttúrustofu Verstjfarð, 10.erindið í fyrirlestraröð Samtaka náttúrustofa. Erindið nefnir hún:
"Man sauður hvar var gekk lamb" og með hverjum ? Atferlisrannsókn á sauðfé á Ströndum.
Erindinu verður varpað um fjarfundarbúnað vítt og breitt. Í Neskaupstað má fylgjast með fyrirlestrinum í Verkmenntaskóla Austurlands og á Egilsstöðum er það á Vonarlandi. Sjá nánar á meðfylgjandi auglýsingu.