Fugladagur Ferðafélags Fjarðarmanna og Náttúrustofu Austurlands var að þessu sinni haldinn 10. maí á Norðfirði og Reyðarfirði. Um leiðsögn sáu Skarphéðinn G. Þórisson, Halldór W. Stefánsson og Rán Þórarinsdóttir en auk þeirra voru mættir nær allir starfsmenn Náttúrustofunnar ásamt Ínu Gísladóttur frá Ferðafélagi Fjarðarmanna leiðsögumönnum og öðrum fuglaskoðurum til halds og trausts.
Náttúrugripasafninu hefur borist skordýrasafn frá Hálfdáni Björnssyni Kvískerjum. Um er að ræða gott skordýrasafn af ættbálki hreisturvængja, fiðrildi og mölflugur bæði íslensk og slæðingjar.
Safnið verður til sýnis á Náttúrugripasafninu.
– Reimar Ásgeirsson hætt kominn á Fljótsdalsheiði.
Rán Þórarinsdóttir, Reimar Ásgeirsson og Grétar Karlsson hafa verið að fylgjast með burði hreinkúa á Fljótsdalsheiði undanfarna daga og varð Reimar fyrir ógleymanlegri lífsreynslu. Lýsing hans fylgir hér með svo og myndir sem hann tók af kusu og kálfi:
Þann 18. og 19. apríl 2008 var leitað að hreindýrum á Fljótsdalshérað, Lóni, Álfta- og Hamarsfirði úr flugvél, hóparnir myndaðir og einkum horft eftir hlutfalli hyrndra kúa. Flogið var með TF API, flugmaður Jón Egill Sveinsson.
Á Fljótsdalshéraði fundust tæp 1000 dýr, einkum í Fljótsdalsheiðarbrúnum og einn hópur í Heiðarenda á inneftirleið. Mikill snjór var á heiðum svo engin dýr sáust á Snæfellsöræfum eins og undanfarin ár. 78 kýr og vetrungar voru ofan við Brennistaði í Eiðaþinghá eflaust ættuð úr Loðmundarfirði og 93 dýr, mest tarfar voru innan við Mýnes eflaust mest tarfar af svæði 2. Hlutfall hyrndra=kelfdra kúa var 92%.
Þann 12. maí var heilsað upp á Reyðarfjarðarhjörðina. 17 ungir tarfar voru innarlega á Eyvindardal. Þrátt fyrir nokkrar slóðir var ekkert dýr Vallamegin á Svínadal né á Tungudal. Þegar niður á Eskifjarðarheiði kom fór að bera mikið á slóðum og einkum í hlíðum vestan heiðarinnar og lágu þær t.d. upp í Hrævarsskörð og Öskju. Mikið var af slóðum út allan Hólmatind og greinilegt að hópar höfðu víða farið upp eða komið niður yfir fjöllin.
