Dagur íslenskrar náttúru er nú á föstudaginn 16. september, af því tilefni ætlar UÍA í samstarfi við Fjarðabyggð, Fljótsdalshérað og Náttúrustofu Austurlands að efna til fjölskyldugöngu á Grænafell, sem var valið fjall UÍA í gögnuverkefninu Fjölskyldan á fjallið 2011. Gengið verður upp beggja vegna fjallsins og hittast hóparnir á toppnum. Reyðafjarðarfjarðarmegin verður farið frá Grænafellsvelli kl 17:00 og mun Þóroddur Helgason vísa veginn. Héraðsmegin geta gönguhrólfar valið um tvo kosti. Annarsvegar að leggja af stað frá sæluhúsinu á Fagradal kl 16:15 eða slást í hópinn við bílastæðið við Fagradalsá kl 17:00, Guðrún Sóley Guðmundsdóttir mun sjá til þess að sá hópur rati rétta leið á toppinn.
Hreindýrin eru notuð í æ ríkari mæli sem einkenni Austurlands. Hreindýrafígúra skreytir margar auglýsingar, hreindýr taka á móti flugfarþegum á Egilsstöðum, Sprettur sporlangi var einkennisdýr landsmóts ÚÍA, hreindýrasetur er á Skjöldólfsstöðum og hreindýraskilti eru víða við þjóðvegi Austurlands. Á Djúpavogi má sjá hreindýr gert úr hornum. Unnur Malmquist Jónsdóttir tók mynd af listamanninum Skúla Benediktssyni þann 17. júní og veitti Náttúrustofunni leyfi til að nota hana. Einnig fylgja með nokkrar fótósjoppaðar útgáfur af hreintarfi Skúla.
Vinnustofa í greiningu grasa og stara var haldin á Reyðarfirði um helgina. Þekkingarnet Austurlands stóð fyrir vinnustofunni og leiðbeinandi var Guðrún Á. Jónsdóttir Nokkrir starfsmenn Náttúrustofunnar tóku þátt ásamt fleirum og þótti vinnustofan takast mjög vel. Á laugardag var gengið í Hólmanesið og þar safnað grösum og störum í ýmsum gróðurlendum en einnig var annar gróður skoðaður. Þoka var í upphafi ferðar en svo birti til.
Dagana 17.-19. ágúst fóru tveir starfsmenn Náttúrustofunnar í vettvangsferð inn á Fljótsdalsheiði og Vesturöræfi til að kanna ástand gróðurreita. Gróðurreitirnir voru settir niður á árunum 2007 og 2008. Þeir eru hluti af langtíma vöktunarverkefni þar sem fylgst er með hugsanlegum breytingum á gróðurfari á áhrifasvæði Hálsóns.
Örfáar snæuglur sjást á Íslandi á hverju ári en afskaplega sjaldgæft er að þær reyni varp hér. Aðal ástæða þess er að öllum líkindum skortur á heppilegri fæðu. Í sumar hefur frést af tveimur snæuglum á Austurlandi og fylgja hér með nokkrar myndir af annarri þeirra. Snæuglan er náttúrulega alfriðuð og þeir sem rekast á þennan sjaldgæfa fugl eru beðnir um að láta starfsmenn Náttúrustofunnar vita.
Námskeiðið hentar áhugafólki um íslenska náttúru og plöntunytjar, menntaskólanemum og öðrum sem hafa áhuga á að læra að þekkja íslenskan gróður. Áætlað er að skoða plöntur, einkum grös og starir og læra undirstöðuatriði í notkun greiningarlykla til að greina þær. Fyrri dag námskeiðsins er farið í vettvangsferð, grös og starir í mismunandi gróðurlendum skoðuð og eintökum safnað til frekari athugana. Seinni dag er farið yfir notkun greiningarlykla til að greina plöntur einkum grös og starir, farið yfir helstu hugtök og orð sem notuð eru í greiningarlyklum og þær plöntur sem safnað var fyrri daginn tegundagreindar.
Dagur íslenskrar náttúru er nú á föstudaginn 16. september, af því tilefni ætlar UÍA í samstarfi við Fjarðabyggð, Fljótsdalshérað og Náttúrustofu Austurlands að efna til fjölskyldugöngu á Grænafell, sem var valið fjall UÍA í gögnuverkefninu Fjölskyldan á fjallið 2011. Gengið verður upp beggja vegna fjallsins og hittast hóparnir á toppnum. Reyðafjarðarfjarðarmegin verður farið frá Grænafellsvelli kl 17:00 og mun Þóroddur Helgason vísa veginn. Héraðsmegin geta gönguhrólfar valið um tvo kosti. Annarsvegar að leggja af stað frá sæluhúsinu á Fagradal kl 16:15 eða slást í hópinn við bílastæðið við Fagradalsá kl 17:00, Guðrún Sóley Guðmundsdóttir mun sjá til þess að sá hópur rati rétta leið á toppinn.
