Stunning Instagram Logo Vector Free Download 43 For New Logo with Instagram Logo Vector Free Download 1 1024x1024 fb40x40 unionjack

2018 Ester LogoNA PDF vefstr

logona314

Staða kragakúnna þann 15. apríl 2020

Kragakýrnar eru nú 20. Þær nyrstu eru komnar á burðarsvæðin vestur af Hágöngum

2 5 8 11

 

 

 

 

 

 

 


Númer 11 er Anna sem gekk á Selárdalnum 2019 fram til apríl í fyrra en þá hélt hún á
svipaðar slóðir og hún er nú. Hún var merkt við Ánavatnið á Jökuldalsheiði.

Kýrnar Vopna (5) og Arna (8) voru merktar í Hauksstaðaheiðinni fyrr í vetur. Klúka (2) er við Torfur á Héraðssandi.

Anna 15.4.2019 til 15.4.2020

 

 

 

 

 

 

 

 

 

 

 

 


Ferðir Önnu 15. apríl 2019 til 15. apríl 2020

1 3 4 6 7 9 10 15

 

 

 

 

 

 


Lína og Jenný (9 og 10) eru kýr af Fljótsdalsheiði sem reiknað er með að skili sér austur yfir Jöklu fyrir burð.
Gulla (1) er komin til fjalla og er í Flatarheiði. Hreiða (7) er á túnum við Hof í Fellum, Vesta (4) í Eiðaþinghá,
Skála (3) heldur til við Skálanes og Katla (6) undir Hettinum. Breiða (15) er innan við Þorvaldsstaði í Breiðdal.

12 13 14 16 17 18 19 20

 

 

 

 

 

 



Kýrnar á Suðausturlandi og í Hofsdal hafa lítið hreyft sig enn frá þeim stað er þær voru merktar á í byrjun febrúar.
Þann 7.4.2020 var Katla í hópi inn undir Gilsá norðan undir Hettinum. Þar voru 21 hyrndar kýr, 1 kollótt og 13 kálfar
eða samtals 35 dýr. Í þeim hópi var þessi hornprúða kýr.

IMG 1194  2

 

 

 

 

 

 



Þann 13.4.2020 voru 6 kollóttir tarfar, 12 hyrndar kýr og 8 kálfar á Eyvindardal austan við Hnútu. Í þeim hópi var
hornprúð kýr sem virðist vera sú sama og var með Kötlu þann 7. apríl norðan í Hettinum.


097  2

 

 

 

 

 

 

 

 


Hún hefur greinilega yfirgefið Kötluhópinn því Katla var þann 13. apríl enn á sömu slóðum sem sést á eftirfarandi
mynd en sú hornprúða sama dag er merkt með rauðu x.
7.15.4. og hornprúð

      137  2  

Á Eyvindardal austan við Hnútu þann 13. apríl 2020. Áhyggjulaus með öllu og vita ekkert um C19.

 

 

Framkvæmdir hafnar við Múlann Samvinnuhús

2020 mulinn Framkvæmdir eru hafnar við nýtt Samvinnuhús  í Neskaupstað. Um er að ræða breytingar á eldra húsnæði sem áður var verslunin Nesbakki en auk þess 315 fermetra viðbyggingu.
Eigandi hússins er Samvinnufélag útgerðamanna í Neskaupstað og verður húsnæðið leigt út til hinna ýmsu fyrirtækja.
Náttúrustofa Austurlands er meðal þeirra fyrirtækja sem koma til með að flytja starfssemi sína í Múlann,  það verður mikil breyting bæði rýmra um alla og hagræðing að hafa starfssemina alla á einni hæð.

Skila þær sér austur yfir, fyrir burð ?

90815010 3334249276609996 245024744615706624 oHreindýrin "virða" stundum ekki þau mörk sem við höfum ákveðið. Senditækjakýr hafa hingað til "virt" mörkin á milli veiðisvæða 1 og 2 sem liggja eftir Jökulsá á Dal. Fyrir nokkrum vikum fór Fljótsdalsheiðarkýrin Lína norður yfir og þann 25. mars fylgdi Jenný í fótspor hennar. Það verður spennandi að sjá hvort þær skili sér ekki austur yfir fyrir burð.

 

 

90796102 3334249963276594 3745399743413485568 o 91378879 3334252316609692 8555054552703827968 o

Kýrnar tvær

90559648 3327503730617884 2131581029075386368 o90559648 3327503730617884 2131581029075386368 o  1 Kýrnar tvær sem voru í fréttum sjónvarpsins nú fyrir stuttu voru nefndar Vopna (nr 24) og Arna (nr 82). Á meðfylgjandi myndum sést að þær hafa líklega farið saman frá merkingunni 16. mars norður undir Bakkfjörð þar sem þær voru kl 5 í nótt. Þessar kýr hljóta að vera vel á sig komnar því annars mundu þær tæplega leggja upp í slíka langferð.Tækin staðsetja kýrnar tvisvar á sólarhring.  Hlekkur á fréttina sem vitnað er í og er á vef Rúv.

Heilsað upp á hreindýr

89435959 3304390899595834 8791841876463321088 oHeilsaði upp á nokkur hreindýr á Reyðarfirði í gær og þrátt fyrir mikinn snjó eru þau feit og falleg. Innan við álverið var kýr sem Sævar Guðjónsson merkti sem kálf 16. maí 2018 og verður því tveggja ára í vor. Hún sást 19. nóvember 2018 á Þverárdalnum og 18. febrúar 2019 á Litlueyri við Eskifjörð. Var merkt við Andrann og legg því til að kalla hana Öndru.

 

 

Hreindýravefsjá opnuð

vefsja skjaskot med FrettNáttúrustofa Austurlands hefur nú opnað hreindýravefsjá sem ætlað er að halda utan um skráningu á hagagöngu hreindýra. Í gegnum tíðina hefur almenningur og ýmsir hagsmunaaðilar veitt dýrmætar upplýsingar um hvar hreindýr halda sig og hvenær. Nú er búið að gera þá skráningu aðgengilegri og geta áhugasamir skráð hreindýr sem á vegi þeirra verða jafnóðum í gegnum snjallsíma og tæki og jafnvel sent inn myndir eða myndskeið. Auk þess er hægt að sjá eldri skráningar. Nú þegar er hægt að skoða flestar tilkynningar frá almenningi fyrir árin 2015-2018. Upplýsingar frá almenningi eru dýrmætar við gagnaöflun vegna vöktunar hreindýra og viljum við hvetja alla til að skrá hreindýr sem þeir sjá. Ef vel tekst til gætu upplýsingar úr vefsjánni jafnvel nýst til að vara frekar við hreindýrum á vegum.

Gerð vefsjárinnar var í höndum starfsmanna Náttúrustofunnar og styrkt af Vinum Vatnajökuls og Náttúruverndarsjóði Pálma Jónssonar og fyrir það erum við þakklát.

Náttúrustofa Austurlands

  • Kt: 461094-2529
  • Sími: 477-1774
  • Netfang: na(hjá)na.is

Starfsstöð í Neskaupstað

Mýrargötu 10
740 Neskaupstaður

Starfsstöð á Egilsstöðum

Tjarnarbraut 39b
700 Egilsstaðir